Уйғур мәдәнийитини чәт әлләрдә сақлап қелиш тиришчанлиқи алқишланмақта

Мухбиримиз әзиз
2021-11-19
Share

Хитай һөкүмитиниң уйғур дияридики бастуруш һәрикити җәрянида уйғурларниң миллий кимлики вә диний етиқадиға мәнсуп барлиқ шәйиләрни, җүмлидин уйғур тил-йезиқи вә мәдәнийәт мираслирини бир-бирләп йоқ қиливатқанлиқи йеқиндин бери көпләп мәлум болушқа башлиған иди. Бәзи мутәхәссисләр "мәдәнийәт қирғинчилиқи" дәп атаватқан бу әһвалға қарита муһаҗирәттики бир қисим уйғур зиялилириниң уйғур мәдәнийитини сақлап қелиш йолида тиришчанлиқ көрситиватқанлиқи йеқиндин буян һәр саһәниң диққитини қозғимақта.

Америка қошма шитатлириниң грузийәдики баш әлчиханиси йеқинда өзлириниң тор бетидә мәхсус обзор елан қилип, муһаҗирәттики уйғур зиялилириниң бу җәһәттики хизмәтлиригә юқури баһа бәргән. Болупму франсийәдики уйғур зиялилиридин дилнур рәйһанниң франсийәдә оқуш вә хизмәт қилиш җәрянлирини тонуштуруш билән биргә 2019-йили қурулған "явропа уйғур иниститути" арқилиқ муһаҗирәт һаятида уйғур тили, тарихи, уйғур мәдәнийити саһәсидики билимләрни тарқитиш, шу арқилиқ уйғурларниң вәтинидә һалакәткә йүзлиниватқан бу мәдәнийәт мираслирини өз чамиси йәткән даиридә сақлап қелишқа тиришиватқанлиқиға апирин оқуған.

Мәлум болушичә, муһаҗирәт һаятидики уйғурларниң мушу йосунда уйғур тили вә мәдәнийитини сақлап қелиш тиришчанлиқлири муһаҗирәттики уйғурлар қилалайдиған бир зор хизмәт, дәп қариливатқан болуп, йеқиндин буян бу җәһәттә кишини хошал қилидиған бәзи хәвәрләр оттуриға чиқмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт