“Uyghur hoquqini teshebbus qilish qurulushi” Uyghur élida ishlepchiqirilghan mehsulatlarning kanadagha kirishini cheklesh dewasigha arilishidiken

Muxbirimiz irade
2021-12-23
Share

Kanadada pa'aliyet körsitiwatqan “Uyghur hoquqini teshebbus qilish qurulushi” kanada fédératsiye hökümiti bilen mejburiy emgek bilen yasalghan dep guman qilin'ghan mallarning kanadagha kirishini tosmaqchi boluwatqan musapirlarni qoghdash teshkilati otturisidiki qanuniy délogha arilishish salahiyitige érishken.

Kanadaning cholpan gézitining xewer qilishiche, Uyghur pa'aliyetchisi memet toxti ependining yétekchilikidiki Uyghur hoquqini teshebbus qilish qurulushikanadadiki “Jiddiy éhtiyajliq musapirlarni qollash (CSRDN) teshebbusi” dep atilidighan teshkilat teripidin bashlan'ghan dewada qanuniy delillerni otturigha qoyalaydiken.

“Jiddiy éhtiyajliq musapirlarni qollash (CSRDN) teshebbusi” teshkilati bu yil 2-ayda fédératsiye sot mehkimisige erz sunup, kanada chégra mulazimet orginigha Uyghur élida yasalghan mehsulatlarning kanadagha kirishini cheklesh hoquqi bérilishini telep qilghaniken.

Mezkur sotta “Uyghur hoquqini teshebbus qilish qurulushi” kanadaning néme üchün Uyghur élidin kirgüzülgen mehsulatlarni cheklishi kérekliki heqqide ispat sunidiken. Mezkur teshkilatning ijra'iye diréktori memet toxti ependi cholpan gézitige qilghan sözide: “Bu heqiqeten ehmiyetlik, chünki biz bu arqiliq xelqimizning awazi bolalaymiz we kanadaning néme üchün tedbir qollinip Uyghurlarning mejburiy emgiki bilen bulghan'ghan mehsulatlarni import qilishni toxtitishi kéreklikini körsitip béreleymiz” dégen.

Melum bolushiche, bu Uyghur teshkilatining tunji qétim kanadada bundaq orun'gha érishishi iken.

Nöwette kanada “Jiddiy éhtiyajliq musapirlarni qollash (CSRDN) teshebbusi” we Uyghur hoquqini teshebbus qilish qurulushi fédératip sotta bu dawaning körülüshini kütmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet