Шималий явропа вә балтиқ деңиз бойи дөләтлири уйғурларниң кишилик һоқуқ мәсилисигә көңүл бөлүветипту

2021-05-19
Share

"яху хәвәрлири" ториниң хәвәр қилишичә, данийә, естонийә, финландийә, исландийә, латвийә, литва, норвегийә, шевитсийә қатарлиқ дөләтләр бирләшмә баянат елан қилип, уйғур вә башқа мусулман милләтләрниң кишилик һоқуқ әһвалиға йеқиндин көңүл бөлүватқанлиқини билдүргән.

Шималий явропа вә балтиқ деңизи бойи дөләтлириниң бу бирләшмә баянатида юқириқи дөләтләрниң уйғур районидики аталмиш "қайта тәрбийәләш орни" ға қамалған милйонлиған инсанларниң әһвалиға күчлүк диққәт қиливатқанлиқи билдүрүлгән. Баянатта мунулар билдүрүлгән: "биз йәнә уйғур вә башқа аз санлиқ милләтләрниң диний етиқад әркинлики, пикир әркинлики вә тинч шәкиллик иҗтимаий паалийәтлириниң қаттиқ чәклиниши вә башқа кишилик һоқуқ дәпсәндичиликлиригә йеқиндин диққәт қиливатимиз".

Бу баянатта йәнә уйғурларға қаритилған мәҗбурий әмгәк, туғутни чәкләш вә башқа җинсий зораванлиқ испатлири көрситилгән һәмдә "хәлқара қанун вә хитайниң асасий қанунида көрситилгән кишилик һоқуқ чоқум қоғдилиши керәк, шинҗаңдики милләтләрму шуниң ичидә" дейилгән. Андин шималий явропа вә балтиқ деңиз бойи дөләтлиридин шинҗаңға барған мухбирларға хитайниң тосқунлуқ қилмаслиқи, уларни назарәт қилмаслиқи вә өч алмаслиқи һәққидә чақириқ қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт