Канада башчилиқидики бир хәлқара иттипақ хитайни уйғур елида хәлқара тәкшүрүш елип беришқа йол қоюшқа чақирған

Мухбиримиз әркин
2021-06-21
Share

Канада башчилиқидики 20 дин артуқ дөләттин тәшкил тапқан бир хәлқара иттипақ қошма баянат тәйярлап, хитайни хәлқараниң уйғур елидики кәң көләмлик кишилик һоқуқ дәпсәндичиликигә аит "ишәнчилик хәвәрләр" ни "һәқиқий рәвиштә тәкшүрүш" кә йол қоюшқа чақирған.

Канададики CBC қанилиниң хәвәр қилишичә, бу баянат канаданиң башчилиқида G7 гә әа дөләтләр, шундақла шиветсийә, шиветсарийә, голландийә, австралийә вә йеңи зелландийәни ‍ичигә алған 20 дин артуқ дөләт тәрипидин тәйярланған икән.

Хәвәрдә бу баянатниң 21-июн б д т кишилик һоқуқ кеңишидә оттуриға қоюлидиғанлиқи, униңда "биз шнҗаң уйғур аптоном райониниң кишилик һоқуқ вәзийитидин җиддий әндишә қиливатимиз" дейилгәнлики, шундақла йәнә "биз хитайниң алий комиссарни өз ичигә алған мустәқил көзәткүчиләрниң шинҗаңда дәрһал, һәқиқи рәвиштә, тосалғусиз тәкшүрүш елип беришиға йол қоюшини тәләп қилимиз," дәп көрситилгәнлики тәкитләнгән.

CBC Ниң ейтишичә, охшаш бир вақитта йәнә канадани ‍өз ичигә алған 18 дөләттики 60 нәпәр парламент әзаси очуқ мәктуп тәйярлиған. Очуқ мәктупта б д т кишилик һоқуқ кеңишиниң мустәқил тәкшүрүш комитети қуруп, шинҗаңдики "‍исанийәткә қарши җинайәт" вә "ирқий қирғинчилиқниң ипадилири" ни тәкшүрүшни тәләп қилған, шундақла б д т ни "кишилик һоқуқни хорлиғучиларни җавабкарлиққа тармаслиққа хатимә берәлмиди" дәп әйиблигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт