Béyjing amérikaning jazasi astidiki "Shinjangni téximu qollash" ning signalini bergen

Muxbirimiz erkin
2021-07-23
Share

Aqsu shehiride échilghan xitayning 7-nöwetlik "Shinjanggha nishanliq yardem bérish" yighinida béyjing, Uyghurlargha qarita élip bérilghan "Irqiy qirghinchiliq" tüpeyli amérikaning jazasigha uchrighan bu rayonni téximu qollaydighanliqining signalini bergen. Xitayning bu nöwetlik "Shinjanggha nishanliq yardem bérish" yighini amérika dölet mejlisi we hökümiti Uyghur élide ishlepchiqirilghan mehsulatlarni chekleshte halqiliq qedemlerni atqan bir waqitta chaqirilghanidi.

"Jenubiy xitay seher pochtisi" gézitining xewer qilishiche, 21-iyul küni axirlashqan 3 künlük yighinda xitay kompartiyesi merkizi komitéti siyasiy byurosining da'imiy ezasi, merkizi shinjang xizmiti rehberlik guruppisining bashliqi wang yang söz qilip, béyjingning mezkur rayon'gha téximu köp sélinma ajritishqa teyyar ikenlikini bildürgen.

Amérika kéngesh palatasi Uyghur élide ishlepchiqirilghan mehsulatlarni import qilishni cheklesh toghrisidiki "Uyghur mejburiy emgikining aldini élish qanun layihesi" ni birdek muqullighan shundaqla baydén hökümiti xitayning Uyghur élidiki quyash énérgiye taxtisi shirketlirini jazalap, amérika shirketlirini bu rayon bilen soda qilishning qanuni jawabkarliqi barliqini agahlandurghan.

"Jenubiy xitay seher pochtisi" gézitining éytishiche, wang yang yighinda yene "Shinjanggha nishanliq yardem bérish programmisi merkezning bergen zor siyasiy wezipisi" dégen. Xewerde bildürülüshiche, mutexesissler wang yangning sözining xitayning hazirqi siyasitide chong özgirish bolmighanliqini körsitidighanliqini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet