Хенәндики кәлкүн апитигә ярдәм қилишта уйғур навайлири исмена бойичә ишләшкә сәпәрвәр қилинған

Уйғур ели даирилириниң хенән өлкисидә йүз бәргән еғир кәлкүн апитигә ярдәм қилишта навайчилиқ карханилиридики уйғур ишчилирини исменада ишләткәнлики вә аилиләрдиму нан йиғқанлиқи мәлум болди. “хитай хәвәрлири” ториниң ашкарилишичә, 21-июл қумулдики “тәмлик нан йемәклик тәрәққият чәклик ширкити” ниң ‍өзила хенәндики кәлкүн райониға нан тәйярлашта ишчилирини кечиләп исменида ишләшкә мәҗбурлиған. Хәвәрдә нәқил кәлтүрүрүлишичә, қумул шәһириниң ‍өзила милйон нан, 200 тонна қой вә кала гөши әвәтишни үстигә алған.

Хәвәрдә, “тәмлик нан йемәклик тәрәққият чәклик ширкити” ниң йеқилған уйғур нанлириниң кечиләп хенәнгә йолға селинғанлиқи шундақла қумулниң евирғол райондики бағвән йезисиниң амбридики 60 тонна қоғунниң хенәнгә йолға селинғанлиқи илгири сүрүлгән. Хитай даирилири 2017-йили башланған чоң тутқун билән тәң һәр қайси җайларда “нан мәдәнийәт ишләпчиқириш бағчиси” дегән намда чоң көләмлик навайчилиқ карханилирини қуруп, уйғур йәккә навайчилиқини боғуп ташлиған.

Нурғун йәккә навайларни вә лагердики бир қисим тутқунларни бу “нан мәдәнийәт ишләпчиқириш бағчилири” да мәҗбурий ишләшкә орунлаштуруп, униң мәһсулати билән ичкири өлкиләрни күндилик тәминләшкә башлиғаниди. Мәлум болушичә, қумул “тәмлик нан йемәклик тәрәққият чәклик ширкити” хитайниң чоң тутқуни мәзгилидә қурулған навайчилиқ карханилириниң бири болуп, униңда 500 дин артуқ ишчи ишләйдикән.