Xénendiki kelkün apitige yardem qilishta Uyghur nawayliri isména boyiche ishleshke seperwer qilin'ghan

Uyghur éli da'irilirining xénen ölkiside yüz bergen éghir kelkün apitige yardem qilishta nawaychiliq karxaniliridiki Uyghur ishchilirini isménada ishletkenliki we a'ililerdimu nan yighqanliqi melum boldi. “Xitay xewerliri” torining ashkarilishiche, 21-iyul qumuldiki “Temlik nan yémeklik tereqqiyat cheklik shirkiti” ning ‍özila xénendiki kelkün rayonigha nan teyyarlashta ishchilirini kéchilep isménida ishleshke mejburlighan. Xewerde neqil keltürürülishiche, qumul shehirining ‍özila milyon nan, 200 tonna qoy we kala göshi ewetishni üstige alghan.

Xewerde, “Temlik nan yémeklik tereqqiyat cheklik shirkiti” ning yéqilghan Uyghur nanlirining kéchilep xénen'ge yolgha sélin'ghanliqi shundaqla qumulning éwirghol rayondiki baghwen yézisining ambridiki 60 tonna qoghunning xénen'ge yolgha sélin'ghanliqi ilgiri sürülgen. Xitay da'iriliri 2017-yili bashlan'ghan chong tutqun bilen teng her qaysi jaylarda “Nan medeniyet ishlepchiqirish baghchisi” dégen namda chong kölemlik nawaychiliq karxanilirini qurup, Uyghur yekke nawaychiliqini boghup tashlighan.

Nurghun yekke nawaylarni we lagérdiki bir qisim tutqunlarni bu “Nan medeniyet ishlepchiqirish baghchiliri” da mejburiy ishleshke orunlashturup, uning mehsulati bilen ichkiri ölkilerni kündilik teminleshke bashlighanidi. Melum bolushiche, qumul “Temlik nan yémeklik tereqqiyat cheklik shirkiti” xitayning chong tutquni mezgilide qurulghan nawaychiliq karxanilirining biri bolup, uningda 500 din artuq ishchi ishleydiken.