Xitay da'iriliri Uyghur aptonom rayonluq partkomgha yéngi 3 da'im hey'et teyinligen

Muxbirimiz erkin
2021-10-18
Share

Xitay da'iriliri Uyghur aptonom rayonluq partkomning da'imiy komitétini tertipke sélip, uninggha yéngi da'imiy hey'etlerni teyinligen. Uyghur aptonom rayonluq partkom da‍imi komitétidiki bu özgirish ‍aptonom rayonluq hökümetning sabiq re'isi shöhret zakir ötken hepte tuyuqsiz wezipisidin istépa bérip arqidinla yüz bergen. Xitay da'iriliri shöhret zakirning ornigha erkin tuniyazni muweqqet re'islikke teyinligenlikini élan qilghanidi.

"Shinjang xewerler" torining ashkarilishiche, xitay kompartiyesi merkizi komitéti 18-öktebir xeynen ölkisi xeyko shehirining partkom sékrétari xé jongyüni Uyghur aptonom rayonluq partkomning mu'awin sékrétarliqigha, shi'en shehirining da'imiy mu'awin bashliqi yüsüpjan memet bilen xitay "Jongliyang guruhi cheklik shirkiti" ning mu'awin mudiri ilzat exmetjanni Uyghur aptonom rayonluq partkom da'imiy komitétining heyt'etlikige teyinligen.

Lékin xewerde bu ikkiylenning konkrét qandaq wezipe öteydighanliqi tilgha élinmighan. Bezi analizchilarning ilgiri sürüshiche, bu ‍özgirish xitayning Uyghur élidiki kadirlar qatlimida chong ‍özgirish bolidighanliqining béshariti déyishke baldurliq qilsimu, biraq bu xelq'arada Uyghurlargha "Irqiy qirghinchiliq" qilish bilen eyibliniwatqan bu rayondiki kütülmigen orunlashturush iken.

Melum bolushiche, yüsüpjan memet shi'en shehirining mu'awin sheher bashliqliq wezipisini öteshtin burun Uyghur aptonom rayonluq medeniyet-sayahet nazaritining naziri we mu'awin sékrétarliq wezipisini atqurghan. Xitay taratqulirining éytishiche, ilzat exmetjan ilgiri "Xitay tashqi iqtisad-soda hawale cheklik shirkiti" ning sékrétari we bash diréktori qatarliq wezipilerni ötigen bolup, u 2020-yili 4-aydin béri "Jongliyang guruhi cheklik shirkiti" ning mu'awin mudiriliq wezipisini atqurup kelgeniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet