“лос анжелис вақти” гезити хитай пахтисини алмаслиқ чақириқини оттуриға қойди

Мухбиримиз әзиз
2021.05.31

Уйғур дияридики мәҗбурий әмгәк мәсилиси хәлқараниң кәскин тәнқидигә дуч келиватқанда “лос анжелис вақти гезити” 28-май күни мәхсус баш мақалә елан қилип уйғур дияридин келиватқан пахтини мәни қилиш һәққидики чақириқни оттуриға қойди.

Баш мақалида көрситилишичә, нөвәттә уйғур дияридики пахта териш хизмити зор дәриҗидә уйғурларниң, болупму лагер тутқунлириниң мәҗбурий әмгикигә четилидиған болуп, бу хил мәҗбурий әмгәккә селиниватқан уйғурлар аз дегәндиму 500 миңдин артуқ, дәп тәхмин қилинмақта икән. Өткән алтә йил җәрянида болса уйғурлардин аз дегәндиму сәккиз милйон киши охшимиған дәриҗидики “қайта тәрбийәләш лагерлири” ни баштин кәчүргән икән. Трамп һөкүмити 2021-йилиниң бешидила уйғур дияридин чиқидиған пахта вә пәмидор мәһсулатлирини импорт қилмаслиқни бәлгилигән болуп, буниңдики асаслиқ сәвәб бу саһәниң уйғурларни мәҗбурий әмгәккә селиши билән мунасивәтлик болған. Нөвәттә гәрчә бир қисим чоң ширкәтләр хитайдин пахта яки пахта мәһсулатлири импорт қилишни тохтатқан болсиму, йәнә бир қисим кишиләр пайда-мәнпәәт көзләп буни давам қилмақта икән. Баш мақалида алаһидә қилип “тарихта биз мушу хил қуллар әмгикини баштин кәчүргән. Әмди һазир бу һалниң қайта тәкрарлиниши бизни бәкму биарам қилмақта” дейилгән.

“лос-анжелис вақти гезити” ниң мәзкур баш мақалиси нөвәттә хәлқарада техиму көп саһәниң хитай маллирини, җүмлидин хитайда өткүзүлмәкчи болуатқан бейҗиң қишлиқ олимпик мусабиқисини байқут қилишқа дәвәт қилидиған болуп, бу җәһәттә техиму зор диққәт қозғаш ролини ойнайду, дәп қаралмақта икән. Шу күнниң өзидә “вашингтон почтиси” гезиитму мәхсус мақалә елан қилип хитайдин импорт қилиниватқан деңиз мәһсулатлирини мәний қилиш лазимлиқини, чүнки бу мәһсулатларниң ишләпчиқириш һалқилирида еғир дәриҗидики мәҗбурий әмгәк мәсилисиниң мәвҗутлуқини алаһидә тәкитлигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.