Xitay putbol institutining "Shinjang shöbisi" qurulush kélishimi imzalandi

Muxbirimiz eziz
2017-12-26
Élxet
Pikir
Share
Print

 

Xitaydiki putbolchiliq saheside eng nopuzluq organlardin bolghan xitay putbol instituti 25-dékabir küni "Shinjang shöbe instituti" qurush heqqide kélishimge imza qoyush murasimi ötküzdi.
Xitayning shinxu'a agéntliqining xewirige qarighanda bu qétimqi imza qoyush murasimigha béyjing tenterbiye uniwérsitétining emeldarliri we "Sh u a r tenterbiye idarisi" ning munasiwetlik xadimliri qatnashqan. Murasimda béyjing tenterbiye uniwérsitétining partkom sékrétari saw wéydong söz qilip "Döletning biwasite yétekchilikide shinjangdin talant igilirini bayqap we terbiyilep junggoche alahidilikke ége putbol tereqqiyatining yéngi yolini échishqa tirishimiz" dégen.
Melum bolushiche, bu yéngi mektep ürümchi shehiridiki "Shinjang tenterbiye kespiy téxnikom mektipi" de tesis qilinidiken. Bu qétim mexsus gérmaniyedin teklip qilin'ghan mutexessisler topchilarni birmu-bir tallighandin kéyin béyjingdiki alaqidar terepler bilen birlikte bu topchilarni meshqlendüridiken. Oqush püttürgende béyjing tenterbiye uniwérsitéti bu oqughuchilargha diplom tarqitip béridiken.
Xitay döliti uzundin buyan dunya putbol saheside sherep qazinishni arzu qilip kéliwatqan hemde buning üchün ghayet zor miqdarda meblegh ajritiwatqan bolsimu hazirghiche közge chéliqqudek birer netijige érishelmey kelmekte. Analizchilar bu heqte pikir qilip "Xitay putbolchiliqining ümidi Uyghurlar diyarida. Emma xitaydiki chong xitaychiliq xahishi Uyghurlarning xelq'araliq sehnilerge chiqip top tépishige tosqunluq qilip kelmekte" dep kéliwatqanliqi melum.
Toluq bet