Америка кеңәш палата әзаси там катон авам палатасиниң "уйғур мәҗбури әмгикини чәкләш қанун лайиһәси" ни тезрақ мақуллишини тәләп қилди

Мухбиримиз әркин
2021-07-19
Share

Америка кеңәш палата әзаси там катон авам палатасини "уйғур мәҗбури әмгекини чәкләш қанун лайиһәси" ни тезрақ мақуллап, президент байденниң имза қоюшиға сунушқа чақирған. Америка кеңәш палатаси хитайниң уйғур вә башқа мусулман аз санлиқ милләтләрни хорлиши вә кәң көләмлик мәҗбурий әмгәккә селишиға қарита 15-июл "уйғур мәҗбури әмгекини чәкләш қанун лайиһәси" мақуллиған иди. Қанун лайиһәсидә уйғур елида ишләпчиқирилған мәһсулатларниң америкаға импорт қилиниши бирдәк чәкләнгән.

Там катон тивиттерда учур йоллап, "авам палатаси бу қанунни дәрһал мақуллиши вә президентниң ‍мзалишиға йоллиши керәк. Америка мәҗбурий әмгәкни вә диний зиянкәшликни қоллимайду," дегән.

Кеңәш палатасиниң бу қарари көзәткичиләр тәрипидин америка һөкүмитиниң бейҗиңниң уйғурларға қарита йүргүзгән "ирқий қирғинчилиқи" ни җазалаш йолидики әң йеңи тәдбирлириниң бири, дәп қаралған.

Америкадики "байлиқ" жорнилиниң хәвәр қилишичә, нөвәттә нурғун америка кийим-кечәк ширкәтлири хитайда ишләпчирилған пахтини ишлитишни тохтатқан. Хитай дуня пахта тәминатниң тәхминән 20 пирсәнтини игилигән болуп, хитай пахта мәһсулатиниң 85 пирсәнти уйғур елида ишләпчиқирилидикән. "байлиқ" жорнилиниң ейтишичә, нөвәттә американиң патагонийә, л. Л. Бен, викторийә секретниң игиси болған л. Брандис, аяллар кийими ширкити-реформәйшин қатарлиқтлар хитай пахтиси ишлитини тохтатқанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт