Uyghurlar heqqide yéngi bir qanun otturigha chiqish aldida turmaqta

Muxbirimiz eziz
2020-03-04
Élxet
Pikir
Share
Print

Uyghur diyaridiki kishilik heqlerning ayaq-asti bolushi, bolupmu lagér tutqunlirining mejburiy emgekke sélinishi hemde xelq'aradiki köpligen dangliq shirketlerning buninggha chétilip qélishi amérikida küchlük bes-munazirige seweb bolghan idi.

Amérika dölet mejlisi qarmiqidiki xitay ishliri ijra'iye komitétining re'isliri, awam palatasining ezasi jim mekgowérn we kéngesh palatasining ezasi marko rubiyo 3-mart küni özlirining tiwéttér betliride "Qayta terbiyelesh", "Mejburiy emgek" we omumiy nazaret dégenlerning hazir Uyghur diyaridiki asasliq mesile bolup qalghanliqini, shu sewebtin özlirining "Uyghurlarni mejburiy emgekke sélishni cheklesh qanuni" ni élan qilishqa teyyarliq qiliwatqanliqini bildürdi.

Marko rubiyo bu heqte qilghan sözide "Mashinilardin tartip kompyutér we kiyim-kécheklergiche 80 din artuq shirket Uyghurlarni mejburiy emgekke séliwatqan bolushi éhtimalgha bekmu yéqin," deydu.

Toluq bet