“шиветсийә мода һәптилики” дә уйғур қирғинчилиқи тонуштурулди

Мухбиримиз әзиз
2022.09.06
Share on WhatsApp
Share on WhatsApp

3-Сентәбир күни шиветсийә пайтәхти стокһолим шәһридә өткүзүлгән “шиветсийә мода һәптилики” кийим-кечәк фестивалида модел қизларниң либаслири арқилиқ уйғур дияридики қирғинчилиқ паалийәт әһлигә җанлиқ җанлиқ рәвиштә көрситилди.

Явропа парламентиниң әзаси, көзгә көрүнгән сиясий паалийәтчи рафаел глуксман (Raphaël Glucksmann) ниң фейсбук (йүз дидар) тор бетидә берилгән учурға асасланғанда, шу күнидики мода кийимләр фестивалида хитай нәслидин болған модел вә паалийәтчи луиса шин (Louise Xin) ниң йеқиндин түрткә болуши нәтиҗисидә “шиветсиә мода һәптилики” ниң маһирлири уйғур қирғинчилиқи һәққидики йезиқлиқ учурни паалийәт әһлигә намайән қилған. Модел қизларниң кийимигә чоң һәрпләр билән йезилған “уйғур мәҗбурий әмгики тохтисун!”, “заманиви қуллар әмгикигә хатимә берәйли” дегәндәк шоарлар нөвәттики заманиви қуллар әмгики мәсилисиниң килимат мәсилисидин қелишмайдиған муһим темилар икәнликини тивишсиз һалда җакарлиған.

Мәлум болушичә, рафаел әпәнди, җәвһәр илһам вә луиса шин қатарлиқлар бу мәсилидә йеқиндин һәмкарлишип иш көргән һәмдә паалийәт уюштурғучиларни уйғурлар һәққидики шоарларни намайән қилишқа мақул кәлтүргән. Шуниң билән биргә уйғур дияридин чиқиватқан пахта мәһсулатлириниң нөвәттә уйғурларниң мәҗбурий әмгики арқилиқ дуня кийим-кечәк базирини қаплаватқанлиқини, буниңға қарши туруш һәққидики паалийәтләрни шиветсийәдин башлап таки явропа парламентиға қәдәр кеңәйтиш лазимлиқини алаһидә тәкитлигән. Рафаел әпәнди бу һәқтики әһвалларни тонуштуруп: “ситокһолимдики паалийәт пәқәт кичиккинә бир башлиниш. Биз мода кийим һәптиликиниң бу қетимқи инсаний һәркитидин үмидниң шолисини көргәндәк болдуқ” дәп язған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.