Пакистанниң уйғурлар дияридики рамизан чәклимисигә сүкүт қилиши кишиләрни ғәзәпләндүрмәктә


2019-05-21
Share

Пүтүн дуня мусулманлири рамизанлиқ паалийәтләр билән алдираш болуватқанда уйғурларниң өз вәтинидә рамизан розисиға аит паалийәтләр билән мәшғул болалмаслиқи, җүмлидин мусулманларға рамизанниң мәни қилиниватқанлиқи мәлум. Бу әһвалдин хәвәрдар болған мусулманлар дунясида буниңға қарита ғәзәп чуқанлири барғансери юқири пәллигә чиқмақта.

"асияға нәзәр" гезитиниң 20-май саниға бесилған мушу һәқтики мақалида көрситилишичә, пакистандики мусулманлар җамаити имран хан һөкүмитиниң уйғурлар дуч келиватқан рамизан чәклимилири һәққидә зуван сүрмәй келиватқанлиқини ғәзәп билән әйиблимәктикән. Пакистандики иҗтимаий таратқуларда пакистан һөкүмитиниң изчил ислам дунясидики наһәқчиликләр үчүн көкрәк керип оттуриға чиқип кәлгәнликини, әмма нөвәттә пакистан һөкүмити вә аһалисиниң уйғурлар дуч келиватқан диний чәклимиләр һәққидә дадил болалмай қалғанлиқини тәнқидләш мәзмунидики язмилар көпләп елан қилинған.

Әмма апторниң қаришичә, уйғурлар дияридики рамизан чәклимиси кәшмир яки пәләстиндики мусулманлар мәсилисичилик омуми ғәзәпкә айлиналмиған. Буниңдики бир муһим сәвәб пакистандики һөкүмәт ахбаратлири бу һәқтә һечқандақ мәлуматларни елан қилмиған. Йәнә келип пакистан һөкүмити әйни вақитта хәлқара ислам кеңишини хитай һөкүмитиниң уйғурларға қаратқан рамизан чәклимисини мәни қилишини тәнқидләш мәзмунида қарар алмаслиққа көндүргән. Иқтисадий җәһәттә хитайниң "бир бәлвағ бир йол қурулуши" арқилиқ пакистанға салған 62 милярд америка доллирилиқ мәблиғи болса буниңдики ядролуқ амил болуп кәлмәктә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт