Uyghur qizi munewwer abdullaning in'glizche shé'iri awstraliyede mukapatqa érishti

Muxbirimiz qutlan
2017-08-30
Élxet
Pikir
Share
Print

Munewwer abdulla muhajirettiki Uyghurlar arisidin yétiship chiqqan yash sha'ire we aktip yazarlarning biri.

Uning in'gliz tilida yazghan "Wetinini izdigen bala" namliq shé'iri 2017-yili awstraliyediki jenubiy wéls uniwérsitétining zhurnilida élan qilin'ghan bolup, bu shé'ir yéqinda awstraliyede shé'iriyet mukapatigha érishken.

"Wetinini izdigen bala" namliq bu shé'ir yuqiri bedi'iy maharet we erkin uslubta yézilghan bolup, uningda muhajirette tughulghan ikkinchi ewlad Uyghur baliliridiki öz kimlikini izdesh tuyghusi, ata-bowiliri yashighan, emma özliri yashiyalmighan yiraqtiki wetinige bolghan ghayibane telpünüshi shundaqla esli wetini bilen muhajirettiki ikkinchi wetini otturisidiki murekkep héssiyatliri küchlük shé'iriy boshluqta ipade qilin'ghan.

Mezkur shé'irning misralirida uchraydighan "Tengritagh", "Teklimakan", "Ili", "Karawan", "Etken chay" qatarliq Uyghurche sözler in'gliz tilida ipade qiliniwatqan shé'iriy éytimni qoyuq milliylikke we özgichilikke ige qilghan.

Yash sha'ire munewwer abdulla 1994-yili awstraliyede Uyghur a'iliside tughulghan. Amérikada toluq ottura mektepni tamamlighandin kéyin hazir awstraliyediki jenubiy wéls uniwérsitétida méditsina penliri boyiche magistirliqta oqumaqtiken.

Munewwer abdulla 15 yéshidin bashlap in'gliz tilida shé'ir yézishqa bashlighan. Uning shé'irliri amérikidiki ottura mektep zhurnalliri bilen bashqa shé'iriyet zhurnallirida élan qilin'ghan.

Munewwer abdullaning "Men Uyghur, men qarshiliq körsitimen" namliq maqalisi amérikidiki dangliq zhurnal - "Diplomat" ning bu yilliq iyun sanida élan qilinip, küchlük inkas peyda qilghan idi.

Toluq bet