Бу йил уйғур райониниң оттура асия билән болған ташқи содиси көрүнәрлик азайған

Мухбиримиз әркин
2015-12-30
Share

Бу йил уйғур аптоном райониниң оттура асия вә русийә билән болған ташқи сода соммиси көрүнәрлик азлап, омуми сода һәҗми өткән йилқидин 26.5 Пирсәнт төвәнлигән. Униң қазақистан вә русийә билән болған ташқи содиси әң көп азайған.

Шинхуа агентлиқиниң ашкарилишичә, уйғур аптоном райониниң қазақистан билән болған ташқи содиси 41.2 Пирсәнт, русийә билән болған ташқи содиси 46.3 Пирсәнт төвәнләп кәткән. Униң оттура асиядики башқа җумһурийәтләр билән болған содисиму икки рәқәмлик азайған. Анализчилар, буниң қазақистан вә русийәдики иқтисади кризис билән мунасивәтлик икәнликини, бу хитайниң уйғур районини сода мәркизи қилиш пиланиға бесим елип келидиғанлиқини илгири сүрди.

Бу анализчиларниң қәйт қилишичә, униң нефит баһасиниң чүшүп кетиши, ғәрбниң русийәгә қойған ембаргоси, қазақистан тәңгә абортини әркин қоюветип, долларниң өсүп кетиши қатарлиқ амиллар тәсир қилған.

Уйғур аптоном райониниң бу йилниң дәсләпки 10 айлиқ ташқи сода соммиси 101 милярд 800 милйон йүән болуп, униң 90 милярд 700 милйон йүәнини експорт, 11 милярд 100 милйон йүәнини импорт игилигән.

Шинхуа агентлиқиниң илгири сүрүшичә, уйғур райониниң қазақистан билән болған ташқи содиси 30 милярд йүән, русийә билән болған содиси 4 милярд 650 милйон йүән азайған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт