Турпанлиқлар буниңдин аз кәм 3000 йил аввал нан йеқип йейишни билгән

Мухбиримиз әркин
2015-03-27
Share

Нан уйғурларниң күндилик турмушида йоқ болса болмайдиған асаслиқ истемали. Археологийәлик қезилмилардин мәлум болушичә, турпанлиқлар буниңдин аз кәм 3000 йил аввал нан йеқип йейишни билгән. Археолог йеқинда турпан яңхидики бир қәдимий қәбристанлиқни қезип, буғдай нениниң қалдуқлирини тапқан.

Археолог йемәклик қалдуқини инфра қизил нурда тәкшүрүп, нанниң сөк, арпа уни арилаштуруп йеқилғанлиқини вә униңда хемиртуруч вә таяқчә бактерийәси барлиқини байқиған.

Шинхуа агентлиқиниң хәвәр қилишичә, җуңго пән-техника университетиниң муавин профессори яң йимин, пәйшәнбә күни хитайниң мәзкур һөкүмәт ахбаратиға бәргән учурида, нан қалдуқлириниң буниңдин 2600 йилдин 2900 йил аввалқи дәвргә мәнсуп икәнликини илгири сүргән.

Яяң йимин йәнә, бу қезилма буғдайниң бу дәврдә асаслиқ йемәкликкә айланғанлиқини көрситиду, дегән.

Илим саһәси буғдай вә сояниң әң бурун қайси әһя қилинғанлиқини изчил талаш-тартиш қилип кәлгән. Бәзиләр буғдай әң бурун месопатамийә, түркийә нил дәряси бойлирида әһя қилинғанлиқини билдүрсиму, бирақ йәнә бәзиләр оттура асия буғдайниң ана юрти икәнликини қәйт қилип кәлгән.

Бирақ мутәхәссисләрниң қаришичә, турпан яңхидин тепилған нан уйғурларниң яма, арпа қатарлиқ зираәтләрни дуняда әң бурун пишшиқлап ишләп истемал қилған хәлқләрниң бири икәнликини көрситидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт