Istanbulda bir Uyghur tijaretchi namelum kishiler teripidin étip öltürülgen

Muxbirimiz erkin
2019-11-11
Élxet
Pikir
Share
Print

10‏-Noyabir küni türkiyening istanbul shehiride bir Uyghur tijaretchi namelum kishiler teripidin étip öltürülgen.

Türkiye taratqulirining ilgiri sürüshiche, erkin semet isimlik Uyghur tijaretchi 10‏-noyabir kech 8:00 etrapida istanbulning fatix rayonidiki turghut özhel millet kochisigha jaylashqan bir méhmanxanining chayxanisida olturghanda qoralliq ikki kishi teripidin étip öltürülgen. Türkiye "Sabah géziti" ning bu heqtiki xewiride erkin semetning xitay we ukra'ina pasporti barliqi, ikki qoralliq hujumchining erkin semetni étip öltürüp, neq meydandin qéchip ketkenliki türkiye amanliq organlirining bu ikki qachqun gumandarning péyige chüshkenliki ilgiri sürülgen.

Xewerde yene, deslepki éniqlashlardin ikki gumandarning erkin semetni közitip, uning péshigha chüshkenliki, jinayetni pilanliq sadir qilghanliqi ashkarilan'ghanliqini ilgiri sürgen. Gumandarlarning erkin semetni néme üchün nishan'gha alghanliqi melum emes. Türkiye taratqulirining xewerliride bayan qilinishiche, neq meydan etrapidin toxtitip qoyulghan qirghizistan konsulxanisigha a'it bir aptomobil bayqalghan.

Bu délo bilen aptomobilning qandaq munasiwiti barliqi melum bolmisimu, emma erkin semetning ayali bümeryem ghopur bilen qirghizistanda "Abduraz" namliq shirket qurup, tijaret bilen shughullan'ghanliqi, jenubiy qirghizistanning batkent rayonidiki bir "Xitay-qirghiz baziri" ning shulargha te'elluq ikenliki ilgiri sürülmekte. Azadliq radiyosining xewer qilishiche, erkin semet ilgiri özining shirkiti arqiliq qirghizistandin 646 milyon dollarni chet'el bankisidiki hésabigha yötkigen iken.

Erkin semet qirghizistan'gha chétishliq Uyghurlardin yéqinqi bir qanche ay ichide öltürülgen 3‏-kishidur. Yéqinda qirghizistan paytexti bishkek shehiride 2 Uyghur tijaretchi arqa-arqidin öltürülgenidi.

Toluq bet