Уйғур районида учур - алақә вә тор системисиға мунасивәтлик җинайәт түрлири елан қилинди

Мухбиримиз әзиз
2015-12-16
Елхәт
Пикир
Share
Принт


Хитайниң шинхуа торидики мәлуматқа асасланғанда, 14 - декабир күни үрүмчидә ечилған «учур - алақә вә тор системисидики йеңи җинайи һәрикәтләргә зәрбә бериш вә түзәш» йиғинида йеңидин бекитилгән 11 түрлүк җинайәт вә 7 түрлүк қанунсиз қилмишниң нуқтилиқ тәртипкә селиш нишани болидиғанлиқи елан қилинди.

Алақидар учурлардин мәлум болушичә, бу қетим түрләр ичидә тор дунясидики алдамчилиқ қилмишлиридин башқа, янфон номурлирини өзгәртиш, ялған исим билән телефон, телефон картиси яки торға чиқиш картиси беҗириш, оғрилиқчә аңлаш вә оғрилиқчә рәсимгә тартиш әсваблирини елип сетиш, банка картлирини нормал болмиған шәкилдә елип сетиш нуқтилиқ һалда тәкитләнгән.

Хитайчә учур мәнбәсидә әскәртилишичә, бу қетимқи мәхсус учур - алақә вә тор системиси саһәсидики «зәрәбә бериш һәркити» 2016 - йили 30 - апрелға қәдәр давамлишидикән. Һалбуки, уйғур вәзийәт көзәткүчилири хитайниң бу тәдбирлирини йеқиндин буян уйғурлар районида күчәп йолға қоюливатқан район характерлик учурларни қаттиқ қамал қилиш сияситиниң бир қисми, дәп қаримақта.

Пикирләр (0)
Share
Толуқ бәт