Chén chüen'go Uyghur élining tor we uchur bixeterlikini saqlash üchün "Sekkiz nuqtigha kapaletlik qilish" ni telep qilghan

Öz muxbirimiz qutlan
2016-11-28
Share

Melum bolushiche, "Tor we uchur bixeterlikige kapaletlik qilish we bu sahediki xizmetlerni bashqurushni kücheytish" belgilimisi da'irilerning nöwette Uyghur aptonom rayonida tekitlewatqan eng halqiliq bashqurush charilirining biri iken.

Tengritagh torining bu heqtiki xewirige qarighanda, Uyghur aptonom rayonluq partkomning sékritari chén chüen'go 27-noyabir küni tor we uchur bixeterlikini saqlash üchün munasiwetlik organlardin "Sekkiz nuqtigha kapaletlik qilish" ni telep qilghan.

U, "Tor bixeterlikini qoghdap, uchurlashturush xizmitini kücheytish partiye we döletning istratégiyelik omumiy weziyitige shundaqla dölet bixeterliki bilen idé'ologiye bixeterlikige munasiwetlik muhim mesile" dep körsetken.

Xewerde körsitilishiche, chén chüen'go tor we uchur bixeterlikini bashqurush orunliridin telep qilghan "Sekkiz nuqtiliq kapalet" ning birinchisi  - "Kompartiyege bolghan mutleq sadiqliq" iken.

Undin bashqa u yene, tor bixeterlikini bashqurush orunliridin "Siyasiy yönilishke kapaletlik qilish, bazini mustehkem saqlashqa kapaletlik qilish" ni telep qilghan.

Igilinishiche, bu yil kirgendin buyan da'iriler Uyghur élida intérnét we ammiwiy tor betlirige bolghan kontrolluqni mislisiz derijide kücheytken bolup, birqanchilighan Uyghur tor yazghuchiliri bilen tor bet bashqurghuchilirining tutqun qilin'ghanliqi melum.

Közetküchiler, egerde xitay yer shari boyiche intérnétqa eng küchlük cheklime qoyidighan döletlerning biri déyilse, u chaghda Uyghur éli bilen tibet shek-shübhisizki, xitaydiki intérnét qamali eng küchlük rayonlar hésablinidu, dep qarimaqta.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet