Uyghur diyarida “Qanun arqiliq idare körüsh” ni téximu kücheytish telep qilindi

Muxbirimiz eziz
2022-03-07
Share

Xitay hökümitining “Ikki yighin” mezgilide oqup ötülgen “Hökümet xizmitidin doklat” ta “Döletni qanun arqiliq idare qilish” alahide tekitlen'gen bolup, herqaysi wekiller buni Uyghur diyarigha keng kölemde tedbiqlashni otturigha qoyghan.

Xitay hökümiti bashqurushidiki “Tengritagh tori” ning 7-marttiki xewiride éytilishiche, “Ikki yighin” ning xitay wekilliri “Qanun arqiliq idare qilish” ni köplep tetbiqlighanda “Partiye merkiziy komitétining yéngi dewrdiki shinjangni idare qilish istratégiyesini téximu mukemmel emelge ashurghili bolidu” dégen. Qedimki Uyghur we türkiy tillirining mutexessisi, dep qarilidighan proféssor nyu ruji bu heqte alahide söz qilip: “Peqet qanun arqiliq idare qilishni omumlashturghandila shinjangdiki her millet xelqining jungxu'a milliy kimliki chüshenchisini mustehkem shekillendürgili bolidu” dégen.

Xitay hökümitining bu xildiki “Qanun arqiliq idare qilishi” heqqide söz bolghanda awstraliyediki siyasiy analizchi wiki shü “Xitayda qanun arqiliq idare qilish mewjut dégenlik bekmu échinishliq lap urush” dégen idi. Derweqe xitay hökümiti “Térrorluq we ashqunluqqa qarshi” mezmunda bir qatar qanun-nizamlarni tüzüp chiqqandin kéyin milyondin artuq Uyghurni mushu “Qanunlar” boyiche lagérlargha we türmilerge qamighanidi. Nöwette bir qisim mutexessisler “Ikki yighin” mezgilide bu mesilining alahide yosunda otturigha qoyulushini bundin kéyinki téximu qattiq bolghan kontrolluqning béshariti, déyishmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet