"Xitay ölkiliride Uyghurlarning tijaritige tosuq, ishlemchilikige yol ochuq"

Muxbirimiz shöhret hoshur
2017-05-31
Share

Xotenning guma nahiyisidin 109 neper atalmish artuq emgek küchi ötken hepte xitayning enxuy ölkisige ishlemchilikke yötkelgen.

Xitayche tengritagh torining bu heqtiki xewiride bayan qilinishiche, bu qétimqi yötkesh bilen enxuy ölkiside ishlewatqan xotenlik ishlemchilerning sani 600 ge yetken.

Xewerde déyilishiche ishlemchillikke mangghan 109 yash nahiyide daghdughiliq murasim bilen uzitilghan. Murasimda, atalmish artuq emgek küchi yötkeshni yene, xitay ölkilirining Uyghur rayonigha ghemxorluqi, dep teswirligen.

Ötken yilning axiri radiyomizgha uchur bergen arzu nurmemet isimlik bir qiz özining xitayning yiwu shehiride tijaret qilish jeryanida bashtin kechürgenliri we qoshna dukandarlarning béshigha kelgenler heqqide toxtilip, xitay da'irilirining xitay ölkiliride tijaret qiliwatqan Uyghurlargha éghir tosqunluq qiliwatqanliqini bayan qilghan idi.

Xitay saqchilarning toxtawsiz bixeterlik tekshürüshliri we tutup ekitishliri seweblik, yiwu bazirida bir kochini igiligen Uyghur dukandarlarning dukanlirini taqiwétishke mejbur bolghanliqini melum qilghan idi. U yene, da'irilerning, xitay ölkiliride Uyghurlarning tijaritige tosqunluq qiliniwatqan bilen ishlemchilikke kélishini righbetlendürüwatqanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.