Шәрқий асия дөләт башлиқлири йиғинида уйғурларниң нөвәттики вәзийити тилға елинған

Мухбиримиз ирадә
2021-10-28
Share

27-Өктәбир чаршәнбә күни шәрқий асия дөләтлири башлиқлар йиғини син арқилиқ өткүзүлгән болуп, мәзкур йиғинда уйғурларниң кишилик һоқуқ вәзийити һәққидә сөз болған.

“японийә вақти” гезитиниң хәвиридин қариғанда, шу күнидики йиғинда японийәниң йеқинда вәзипигә олтурған баш министири тунҗи қетим сөз қилған болуп, у сөзи җәрянида хитай һөкүмитиниң уйғурларға қаритиватқан зор кишилик һоқуқ дәпсәндичилики, хоңкоңниң демократийәсиниң вәйран қилиниши һәққидики җиддий әндишилирини оттуриға қойған.

Мәлум болушичә, шәрқий асия дөләт башлиқлири йиғини йеқиндин буян америка билән хитай оттурисидики зиддийәтниң күнсери күчийиши билән тәң, асия-тинч окян райони, җәнуби вә шәрқий деңизниң игилик һоқуқ мәсилиси вә тәйвән боғузиниң муқимлиқиниң кәскинлишигә қарита ечилған икән.

Мәзкур йиғинға америка президенти җов байденму қатнашқан болуп, у йиғинда американиң райондики тәсирини әслигә кәлтүрүшни халайдиғанлиқи, райондики шериклири билән бирликтә демократийә, кишилик һоқуқ, қанун билән идарә қилиш вә әркинликни қоллайдиғанлиқи һәққидә вәдә бәргән.

Японийә ташқий ишлар министирлиқиниң тор бетидә японийә билән биргә йиғинда йәнә башқа дөләтләрниңму уйғурларниң вә хоңкоңниң кишилик һоқуқ вәзийити һәққидики әндишилирини оттуриға қойғанлиқи дейилгән болсиму, бу дөләтләрниң кимлики ениқ тилға елинмиған.

Шәрқий асия дөләт башлиқлири йиғини шәрқий җәнубий-асия әллири иттипақиниму өз ичигә алидиған болуп, булар бруней, камбоджа, һиндонезийә, лаос, малайсия, берма, филиппин, сингапор, тайланд вә вйетнам қатарлиқ дөләтләрни, шундақла австиралийә, хитай, һиндистан, японийә, йеңи зеландийә, росийә, корейә вә американи өз ичигә алидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт