6 - Нөвәтлик “уйғур ханим қизлирини демократийә вә кишилик һоқуқ билимлири бойичә тәрбийиләш курси”давамлашмақта

Мухбиримиз үмидвар
2013.04.21

“уйғур ханим қизлирини демократийә вә кишилик һоқуқ билимлири бойичә тәрбийиләш курси” мушу айниң 20 - күни франсийиниң пайтәхти париж шәһиридики нветәл меһманханисида ечилишқа башлап, 21 - април күни йиғин иккинчи күнигә қәдәм қойди.

Ихтияри мухбиримизниң париждин хәвәр қилишичә, иккинчи күнидики йиғинда асаслиқи дуня уйғур қурултийиниң рәиси рабийә қадир ханим вә башқа аяллар һоқуқи паалийәтчилири сөз қилип, аялларниң демократийә вә кишилик һоқуқ саһәсидики хизмәт усуллири, тәҗрибилири шуниңдәк учур топлаш вә учур бихәтәрлики қатарлиқ мәсилиләрни муһакимә қилған. Йиғинда омумий әркин муназирә қилиш усули қоллинилған.

6 - Нөвәтлик уйғур аяллирини демократийә вә кишилик һоқуқ билимлири билән тәрбийиләш курси ахирлашқандин кейин йиғин қатнашқучилири париждики мәдәнийәт орунлири, музейлар вә башқа мунасивәтлик җайларни зиярәт қилидикән.

Америка демократийини илгири сүрүш фондиниң қоллишиға еришкән уйғур аяллирини тәрбийиләш курси һазирғичә америка, канада, германийә, түркийә вә башқа дөләтләрдә ечилған болуп, бу қетимқиси париж шәһиригә орунлаштурулған.Бу пәқәт уйғур аяллириниңла әмәс, бәлки уйғур демократийә вә кишилик һоқуқ паалийәтчилириниң тунҗи қетим париж шәһиригә җәм болуп, уйғурлар мәсилиси һәққидә муһакимә уюштуруши болуп һесаблинидикән.

Дуня уйғур қурултийиниң рәиси рабийә қадир ханим вә уйғур аяллириниң парижда җәм болуши франсийә мәтбуатлириниң қизиқиш нуқтиси болған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.