6 - Nöwetlik “Uyghur xanim qizlirini démokratiye we kishilik hoquq bilimliri boyiche terbiyilesh kursi”dawamlashmaqta

Muxbirimiz ümidwar
2013.04.21

“Uyghur xanim qizlirini démokratiye we kishilik hoquq bilimliri boyiche terbiyilesh kursi” mushu ayning 20 - küni fransiyining paytexti parizh shehiridiki nwétel méhmanxanisida échilishqa bashlap, 21 - april küni yighin ikkinchi künige qedem qoydi.

Ixtiyari muxbirimizning parizhdin xewer qilishiche, ikkinchi künidiki yighinda asasliqi dunya Uyghur qurultiyining re'isi rabiye qadir xanim we bashqa ayallar hoquqi pa'aliyetchiliri söz qilip, ayallarning démokratiye we kishilik hoquq sahesidiki xizmet usulliri, tejribiliri shuningdek uchur toplash we uchur bixeterliki qatarliq mesililerni muhakime qilghan. Yighinda omumiy erkin munazire qilish usuli qollinilghan.

6 - Nöwetlik Uyghur ayallirini démokratiye we kishilik hoquq bilimliri bilen terbiyilesh kursi axirlashqandin kéyin yighin qatnashquchiliri parizhdiki medeniyet orunliri, muzéylar we bashqa munasiwetlik jaylarni ziyaret qilidiken.

Amérika démokratiyini ilgiri sürüsh fondining qollishigha érishken Uyghur ayallirini terbiyilesh kursi hazirghiche amérika, kanada, gérmaniye, türkiye we bashqa döletlerde échilghan bolup, bu qétimqisi parizh shehirige orunlashturulghan.Bu peqet Uyghur ayalliriningla emes, belki Uyghur démokratiye we kishilik hoquq pa'aliyetchilirining tunji qétim parizh shehirige jem bolup, Uyghurlar mesilisi heqqide muhakime uyushturushi bolup hésablinidiken.

Dunya Uyghur qurultiyining re'isi rabiye qadir xanim we Uyghur ayallirining parizhda jem bolushi fransiye metbu'atlirining qiziqish nuqtisi bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.