Bash ministir jéysinda ardérn: "Uyghurlar we xongkong mesiliside söz qilish özimizning ishi!"

Muxbirimiz eziz
2020-07-21
Share

Xitay hökümitining Uyghurlarni basturushi dunyaning keskin tenqidige duch kéliwatqanda yéngi zélandiyening bash ministiri jéysinda ardérn xanim özlirining Uyghurlar we xongkongdiki siyasiy weziyet heqqide özgiche qarashta bolushining héchkimge taqashmaydighanliqini ashkara tekitlidi.

Yéngi zélandiyediki "Xewer merkizi" torining 20-iyuldiki xewiride éytilishiche, jéysinda xanim yéngi zélandiyediki xitay soda sahesige qilghan sözide Uyghurlar duch kéliwatqan basturushlar hemde xongkongdiki démokratiye herikiti toghrisida yéngi zélandiye hökümitining xitay hökümitidin perqliq bolghan pikirde bolushining héchqandaq gheyrilik bolmaydighanliqini tekitligen. U bu heqte toxtilip "Bir mesilide oxshimighan hökümetlerning oxshimighan qarashta bolushining héchqandaq heyran qalghuchiliki yoq. Chünki hazir xongkongdiki, shinjangdiki we teywendiki weziyet bizdin shuni telep qilidu" dégen.

Melum bolushiche, 2019-yili aprélda jéysinda xanim xitaydiki xizmet ziyaritide xitay re'isi shi jinping we bash ministir lé kéchyanggha Uyghurlar mesilisini esletken iken. Bu qétim bolsa Uyghurlar mesiliside ashkara halda ipade bildürgendin kéyin xitayning yéngi zélandiyediki bash elchisi buninggha naraziliq bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet