Xitay tashqi ishlar ministirliqi Uyghur weziyitining yehudiylarning ötmüshige sélishturulushigha inkas bildürdi

Xitay tashqi ishlar ministirliqi 24-iyul Uyghurlar weziyitining yehudilarning ötmüshige sélishturulishigha inkas bildürgen.

Xitay tashqi ishlar ministirliqi bayanatchisining qarishiche, bu ikki mesilini öz ara sélishturush “Külkilik” iken. Yéqinda en'gliyediki yehudilarning rehbiri xitayning en'gliyede turushluq bash elchisi lyu shawmin'gha mektup yézip, xitayning Uyghurlargha tutqan mu'amilisini natsistlarning yehudilargha qilghan wehshilikige sélishturghan. U mektupida xitayning Uyghur we bashqa az sanliq milletlerge qaratqan étnik wer diniy basturushini toxtitishini telep qilghan idi.

En'gliyediki “Yehudiy wekiller komitéti” namliq teshkilatning prézidénti maréy fon dér zil mektupida “75 Yil awwal kishilerning poyizlargha mejburiy yüklengenliki, diniy zatlarning saqili chüshürülgenliki, ayallarning tughmas qilin'ghanliqi”, jaza lagérlirining bu xil qorqunchluq wehimisi xitayning Uyghurlargha tutqan hazirqi mu'amilisige oxshashliqini bildürgen. Lékin xitay tashqi sihlar ministirliqining bayanatchisi 24-iyul muxbirning mezkur mektup heqqidiki so'aligha jawab bérip, bu xil sélishturushning “Külkilik” ikenlikini tekitligen.

U: “Siz éytqan u mektubtin méning xewirim yoq. Lékin men shuni qayta tekitleymen, shinjanggha alaqidar mesile kishilik hoquq, din yaki étnik mesile emes, belki térrorluq we bölgünchilikke qarshi turush mesilisi. Shinjang weziyitini yehudilarning ötmüshtiki iztirapigha sélishturush külkiliktur,” dégen. Uning tekitlishchihe, “Shinjang mesilisi pütünley xitayning ichki ishi bolup, bashqa döletlerning arilishish heqqi we yoli yoq,” iken. Maréy fon dér zil mektupida xitayning ikki xil tallash yoli barliqi, eger u dawamliq hazirqi yolda mangsa uning “Menggülük ahanetke qalidighanliqi” ni tekitligen.