Йәр шари вақит гезити: «йирақ ғәрбий районда 15 йиллиқ һәқсиз маарип йолға қоюлиду»

Мухбиримиз шөһрәт һошур
2017-11-20
Елхәт
Пикир
Share
Принт

Бүгүн хитайда чиқидиған «йәр шари вақит гезити» ниң инглизчә санида уйғур аптоном районида бу йил декабирдин башлап 15 йиллиқ һәқсиз маарипниң йол қоюлидиғанлиқи хәвәр қилинди.

Хәвәрдә дейилишичә, бу 15 йиллиқ һәқсиз маарипниң 3 йили толуқ оттура мәктәпләр үчүн, 9 йили башланғуч вә толуқсиз оттура мәктәпләр үчүн, қалған 3 йили йәсли-балилар бағчиси үчүн икән. Мәзкур гезитиниң «йирақ чеградики һәқсиз маарип» мавзулуқ бу хәвиридә 15 йиллиқ һәқсиз маарипниң мәқсәтлиридин бириниң уйғурлар арисида радикал идийәгә бошлуқ қалдурулмаслиқ икәнлики әскәртилгән.

Хәвәрдә әскәртилишичә, уйғур районида йолға қоюлидиған бу 15 йиллиқ һәқсиз маариптин райондики хитай көчмәнлириму ортақ пайдилинидикән. Хәвәрдә йәнә мәзкур бәлгилиминиң районда милләтләр баравәрликини илгири сүрүш үчүн түзүлгәнлики ишарәтләнгән.

Әмма муһаҗирәттики уйғур көзәткүчиләр, уйғурлардики маарип мәсилисиниң сан әмәс, сапа мәсилиси икәнликини, уйғурларниң сап миллий маарипта тәрбийилиниш вә заманиви билимләрни өгиниш һоқуқи барлиқини тәкитләп кәлмәктә. Вашингтондики уйғур көзәткүчиләрдин учқунҗан әпәнди, «хитай әбәдий әминлик намидики мустәмликичи истратегийәдин ваз кәчмигичә, бу йәрдә елип берилған һәрқандақ бир ислаһат яки тәңшәш райондики милләтләр мәсилисини һәл қилалмайду,» деди.

Пикирләр (0)
Share
Толуқ бәт