Xitay hökümiti bügür nahiyesige chong kölemde ayrodrom qurmaqchi bolghan

Muxbirimiz jewlan
2022.03.29
Share on WhatsApp
Share on WhatsApp

Xitay taratqulirining xewirige qarighanda, xitay hökümiti bügür nahiyeside chong kölemde ammiwi qatnash ayrodromi qurushni testiqlighan bolup, 2030-yilghiche pütküzüsh pilanlan'ghan.

Bu ayrodrumni sélishqa jem'iy 6 milyard 300 milyon yüen meblegh sélinidiken؛ yiligha 3540 ayropilan qonidighan, 300 ming adem qétim yoluchi toshuydighan ölchemde yasilidiken؛ uzunluqi 2600 métir, kengliki 45 métir kélidighan uchush we chüshüsh yoli, 3000 kwadrat métir kélidighan mulazimet binasi qurulidiken.

Xewerde éytilishiche, bügür ayrodromi Uyghur aptonom rayoni we xitay awi'atsiye idarisining “14-Besh yilliq pilan” diki nuqtiliq qurulush hésablinidiken؛ u yene bügürning qatnash shara'itini yaxshilash, bayliq menbesini échish, iqtisadini tereqqiy qildurush, chégra orunning muqimliqini saqlash, hawa mudapi'esige jiddiy yardem bérish rolini oynaydiken.

Analizchilarning qarishiche, Uyghur rayonining istratégiyelik muhim jaylirigha 20 din köp ayrodrom qurghan xitay hökümiti bu qétim bügürning jughrapiyelik ornining muhimliqini közde tutup, bu jayning bayliqini échish we hawa mudapi'esige shara'it hazirlash meqsitide bu chong kölemdiki ayrodromni qurghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.