Roytiris: Uyghur rayonida bixeterlik tedbirliri soda tijaretke putlikashang bolmaqta

Muxbirimiz shöhret hoshur
2017-06-28
Élxet
Pikir
Share
Print

Roytiris agéntliqi yéqinda, nöwette ürümchide yashawatqan we hökümet teminligen shara'itlardin az tola menpe'et éliwatqan 20 kishini ziyaret qilip, Uyghur rayonining nöwettiki weziyiti heqqide melumat sorighan.

Ziyaret qilin'ghuchilar, nöwette Uyghur rayonida yolgha qoyuluwatqan bixeterlik tedbirlirining rayonning ishlepchiqirish we soda ishlirigha putlikashang boluwatqanliqi üstide shikayet qilghan. Bir réstoran sahibi özining birqanche ishchi-xizmetchisining bayraq chiqirish pa'aliyitige qatnishish üchün jenubtiki yurtigha qaytqanliqini we uni aylap saqlashqa mejbur bolghanliqini yazsa, yene bir ziyaret qilin'ghuchi, siyasiy öginish we yighin qatarliq pa'aliyetlerge köp zorlinip, zéhnining we waqtining köp qismini öz tijaritige ajritalmaywatqanliqini ashkarilighan.

Xitay we Uyghurlardin terkib tapqan we omumyüzlük halda kimlikini ashkarilashni xalimighan bu kishiler, xitayning nöwettiki iqtisadiy siyasetliridin peqetla dölet igilikidiki chong shirketlerning paydiliniwatqanliqini, ottura we kichik tiptiki shirket we karxanilarning ish we sodisining yéqindin buyan arqisigha qarap chékiniwatqanliqini ilgiri sürgen. Bir shirket sahibi bixeterlik tedbiri nami astida ushtumtut intérnét we télifonlar késilidighanliqi, bir qisim soda yighilishlirining axirqi minutlarda bikar qilidighanliqi, buning soda-tijaretni kop aqsitiwatqanliqi qatarliqlarni bayan qilghan.

Roytiris agéntliqining bügün bu heqte élan qilghan maqaliside xulase süpitide, xitayning iqtisadni tereqqiy qildurush bilen muqimliqni saqlash arisida tengpungluqni saqliyalmighanliqi yézilghan.

Toluq bet