Ürümchining tengritagh rayonida qoy we kala göshi sétish toxtitilip, noqul choshqa göshi sétilidighanliqi élan qilindi

Muxbirimiz erkin
2020-07-27
Élxet
Pikir
Share
Print

Yerlik da'iriler ürümchining tengritagh rayonida qoy we kala göshi teminati toxtitilip, musulmanlar olturushluq bu rayonni peqet choshqa we toxu göshi bilen teminleydighanliqini élan qilghan. Xitay da'irilirining qurban héyt harpisida karantin astidiki musulmanlar rayonini noqul choshqa göshi bilen teminleydighanliqini élan qilishi chet'eldiki közetküchilerning diqqitini qozghidi. Ularning tekitlishiche, bu karantin astidiki musulmanlarni amalsiz choshqa göshi yéyishke mejburlashning bir xil usuli iken.

Tengritagh rayonluq soda idarisi 25-iyul küni her qaysi köktat, gösh dukanlirigha we gösh, köktat teminat nuqtilirigha uqturush chüshürüp, zapas qoy we kala göshi teminatining waqitliq toxtitilghanliqi, lékin choshqa we toxu göshi bilen dawamliq teminleydighanliqini bildürgen. Soda idarisining uqturushida, bu rayondiki barliq gösh dukanlirining göshni birdek "Tengritagh xu'angnyu déhqanchiliq-charwuchiliq pen-téxnika échish cheklik shirkiti" din kirgüzüshi telep qilin'ghan.

Xitay da'irilirining qurban héyt harpisida tuyuqsiz bu uqturushni chiqirishigha qandaq amil seweb bolghanliqi melum emes. Tengritagh rayonluq soda idarisining uqturushida buning sewebi chüshendürülmigen. Uningda peqet yuqirining jiddiy uqturushini tapshurup alghanliqi tekitlen'gen. Nöwette xitay hökümitining Uyghur musulmanlirining choshqa göshi yéyish-yémeslikini ularning xitay döliti we xitay kompartiyesige sadiq yaki emeslikini sinaydighan bir xil ölchem qiliwalghanliqi melum.

Toluq bet