Ramizan ayida xitay teshwiqatliri "Diniy étiqad erkinliki" teshwiqatigha kiriship ketken

Muxbirimiz jewlan
2021-04-20
Share

Xitay taratqulirining xewirige qarighanda, 18-aprél Uyghur aptonom rayonluq hökümet ürümchide "Shinjang mesililirige da'ir axibarat élan qilish yighini" échip, Uyghur rayonining her qaysi jayliridiki "Ramizanliq ehwal" ni tonushturghan. Yighinda her qaysi wilayet, sheherlerdiki diniy zatlar we étiqadchi amma intérnét arqiliq ulinip, ramizan künliridiki "Heqiqiy ehwal" ni bayan qilghan.

Bu xewerde xitayning xelq'ara bésimgha qarshi teshwiqat yürgüzüwatqanliqi roshen körülgen bolup, chet el taratqulirining Uyghur rayonidiki musulmanlarning diniy étiqadining cheklinishi, molla-ölimalirining tutqun qilinishigha da'ir axbarat témiliri qattiq tenqidlen'gen hemde tutqun qilin'ghan zatlarning "Diniy zatlar emes, belki islam bayriqini kötürüwélip bölgünchilik, térrorluq bilen shughullan'ghan azghun jinayetchiler ikenliki, xitayning qanun döliti ikenliki, bundaq jinayetchilerge qattiq zerbe béridighanliqi" dégendek kona sepsetiliri küchep bazargha sélin'ghan.

Közetchilerning qarishiche, xitayning bu ayda axbarat élan qilish yighini échip, diniy zatlar bilen étiqadchi ammini otturigha chiqirip sözlitishi yenila öz jinayitini yoshurush we xelq'ara jama'et bésimgha taqabil turush üchündur. Xitayning Uyghurlarning diniy étiqadini yoqitishqa ötkenliki, ölimalirini tutup, meschitlirini chéqip, qur'anlirini köydürgenliki we awamni öz dinidin tamamen yiraqlashturuwetkenliki éniq. Emma xitay bu qabahetni körmigen yaki körüshni xalimaydighanlarning dunyada yenila köp sanliq ikenlikini yaxshi bilgechke, bu teshwiqatini harmay-talmay élip barmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet