Дилшат ришит: хитай, уйғур диний затларни өз хәлқигә қарши иш қилишқа қиставатиду

Мухбиримиз шөһрәт һошур
2016-11-23
Share

Алдинқи күни уйғур районида вәтәнпәрвәр диний затларни мәркәзлик тәрбийиләш намида курс башланған, курста диний затлар идийә вә һәрикитини районлуқ парткомниң 9-қурултийиниң роһиға асасән бирләштүрүшкә, өз әвзәлликлирини баш нишан йәни әбәдий әминлик үчүн хизмәт қилдурушқа чақирилған.

Тәңритағ ториниң бүгүнки бу һәқтики хәвиридә баян қилинишичә, бу мәзкур намда башланған 1-нөвәтлик қарар болуп, курста ислам динини сотсиялизмға маслаштуруш тәшәббуси йәнә ашкара оттуриға қоюлған.

Мустәқил көзәткүчиләр хитайниң диний затларни өз сиясий мәнпәәти үчүн хизмәт қилдурушини тәнқидләп келиватқан, болупму динни сотсиялизмға маслаштуруш чақириқиниң әмәлийәттә динниң асасий тәлиматлирини чәткә қеқиш вә дәпсәндә қилиш икәнликини илгири сүрүшкән иди.

Бүгүн бу һәқтә радиомизда позитсийә билдүргән дуня уйғур қурултийи баянатчиси дилшат ришит, һәқ вә адаләттин ваз кәчкән диний затларниң уйғур хәлқи арисида инавити болмайдиғанлиқини әскәртти. У, хитай тәрәпни уйғүр диний затларни өз хәлқиниң мәнпәәтигә хилап иш қилишқа қистимаслиққа чақирди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт