Xitayning "Gherbning énérgiyesini sherqqe yötkesh" liniyeside yéngi rékort yaritilghan

Muxbirimiz erkin
2021-03-23
Share

Xitay bu yil qish peslide Uyghur élining tebi'iy gaz we yéngi éléktir énirgiyesini sherqtiki xitay ölke-sheherlerge yötkeshte yéngi rékort yaratqan. Közetküchilerning bildürüshiche, bu xitayning énérgiyede Uyghur éligha bolghan tayinishi téximu küchiyiwatqanliqini kürsitidiken.

"Shinxu'a tori" ning 21-mart bergen xewiridin qarighanda, xitayning "Jonggo néfit shérkiti" ge qarashliq tarim néfitliki ötken yili 11-aydin bu yil 3-ayghiche bolghan qish peslide xitayning sherqidiki 15 ölke, 120 sheherni 12 milyard 760 milyon kup métir gaz bilen teminligen.

Bu yuqiriqi ölke we sheherlerdiki 400 milyon ahale we 3000 dek zawutni öz ichige alidiken. "Shinxu'a tori" ning xewiride bu mezgil ichide tebi'iy gaz bilen teminleshning aldinqi yilidikidin bir milyard 236 milyon kup métir artqanliqi, tarim néfitlikining her küni 90 milyon kup métirdin artuq gaz ishlepchiqarghanliqini bildürgen. Oxshash bir waqitta yene shamal we quyash énérgiyeside ishlepchiqirilghan yéngi éléktir énérgiyesini yötkesh salmiqimu artqan. "Shinxu'a tori" ning bildürüshiche, yéqinqi 10 yilda jem'iy 100 milyard kilowat sa'ettin artuq tok 4 liniye arqiliq xitayning sherqidiki 20 dek ölke-sheherge yollan'ghan.

Melum bolushiche, xitaygha ötken yil bir yil ichide yollan'ghan yéngi éléktir énirgiyesi 267 milyart 600 milyon kilowat sa'etke yetken. Biraq yéngi énérgiye xitaygha yollan'ghan omumiy éléktir tokining az qismini teshkil qilghan bolup, kömur éliktir énérgiyesi yenila asasi salmaqni igiligen. Xitay énérgiye ministirliqi téxi bu yilning bashliri Uyghur élida yene 6 kömur éléktir istansisi qurushni testiqlighan. Közetkuchilerning éytishiche, xitay Uyghurlargha "Irqiy qirghinchiliq" yürgüzüp, xelq'ara imbargogha uchrawatqan bu rayonda komur éléktir istansisiliri éghir muhit mesilisi peyda qilmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet