2014‏-Yili Uyghur élide 3411 kishi eydiz wirusi bilen yuqumlan'ghan we eydiz késilige giriptar bolghan

Muxbirimiz erkin
2014.11.28
Share on WhatsApp
Share on WhatsApp

Uyghur aptonom rayonluq sehiye tarmaqliri 1‏-dékabir “Dunya eydiz küni” munasiwiti bilen söhbet élan qilip, 2014‏-yili Uyghur élide 3411 kishining eydiz wirusi bilen yuqumlan'ghanliqini we eydiz késilige giriptar bolghanliqini élan qildi.

Xitay axbaratlirining xewer qilishiche, Uyghur aptonom rayonluq yuqumluq késellikler kontrol qilish merkizi, bu yil 10‏-aygha qeder Uyghur aptonom rayonida eydiz wirusi yuqumdarliri we eydiz bimarlirining omumiy sani 43 ming 500 din ashqanliqini bildürgen.

Mezkur organ mes'ullirining körsitishiche, jinsiy yol we zeherlik chékimlikni tomurgha okul qilip urush yenila eydizning asasliq tarqilish qanili iken. Yuqumluq késellikler kontrol qilish merkizining bir emeldari “Tengri tagh” torigha qilghan sözide, yuqumdarlarning 36.5 Pirsenti zeherni tomurgha okul qilip urushtin, 52.1 Pirsenti jinsiy yoldin yuqturuwalghanliqini ilgiri sürgen.

Lékin u, yerlik xelq yuqumdar yaki bimarlarning qanche pirsentini teshkil qilidighanliqini tilgha almighan.

Analizchilarning ilgiri sürüshiche, yuqumdarlar ichide Uyghurlarning nisbiti bek yuqiri bolushi, xitay hökümitining milliy nisbetni izchil mexpiy tutup kélishidiki asasliq seweb iken.

Da'iriler yene, Uyghur élide eydiz seweblik ölgenlerning 8102 ge yetkenlikini bildürgen. Lékin eydiz pa'aliyetchilirining qarishiche, ölgenler, yuqumdarlar we bimarlarning emili sani hökümet élan qilghandin köp bolushi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.