Uyghur élide bu yil qobul qilinidighan esker sanining köpeytilishi diqqet qozghimaqta

Muxbirimiz irade
2019-07-25
Élxet
Pikir
Share
Print

"Shinjang géziti" qatarliq xitay hökümet taratqulirining xewer qilishiche, Uyghur aptonom rayon miqyasi boyiche 2019-yilliq esker qobul qilish xizmiti 1-awghust küni resmiy bashlinidiken.

Xewerdin melum bolushiche, bu yilliq eskerlikke qobul qilish obyéktliri asasliqi aliy mekteplerni püttürgenler, aliy mektepke yéngi kirgen oqughuchilar we yuqiri oqush tarixigha ige yashlarni asas qilinidiken. Qobul qilinish shertliride aliy mektep oqughuchilirining, térrorluqqa qarshi turush, muqimliqni qoghdashta ipadisi gewdilik bolghan yashlarning we "Inqilabiy qurban" lar perzentlirining aldin qobul qilinidighanliqi eskertilgen.

Xewerde bayan qilinishiche, "Bu yil Uyghur éli tewesidiki aliy mektep oqughuchiliridin eskerlikke élinish nisbiti %50 tin, ürümchi shehiri, qaramay shehirining %70 tin töwen bolmaydiken, bashqa orunlardimu eskerlikke qobul qilish nisbiti munasip halda östürülidiken"

Uyghur aptonom rayonluq da'irilerning néme üchün bu yil qobul qilinidighan esker sanini köpeytidighanliqi chet'ellerdiki közetküchilerning küchlük diqqitini qozghimaqta. Ular xitay hökümiti Uyghur élide 2 milyondek Uyghur, qazaq qatarliq yerlik milletlerni lagérgha qamap, amérika bashliq gherb démokratik ellirining küchlük tenqidige uchrighanliqtin emdilikte rayonning muqimliqi mesiliside qattiq sarasimige chüshüwatqanliqini mölcherlimekte. 3

En'gliye parlaméntida "Uyghur guruppisi" quruldi

Toluq bet