Уйғурлар диярида интернет бихәтәрлики тәдбирлириниң техиму күчийидиғанлиқи мәлум болмақта

Мухбиримиз әзиз
2018-05-15
Share

Өткән бирнәччә йиллардин буян уйғурлар диярида қаттиқ назарәт астида мәвҗут болуватқан тор бихәтәрлики мәсилиси йеқинда йеңиваштин хитай даирилириниң хизмәт күнтәртипидин орун алған.

"шинҗаң гезити" ниң 14-майдики хәвиридә көрситилишичә, уйғурлар дияридики партийә секретари чен чуәнгониң риясәтчиликидә ечилған бу һәқтики йиғинда муқимлиқ вә әминлик үчүн интернет бихәтәрлики тәдбирлирини техиму әстайидил иҗра қилиш тәләп қилинған. Болупму интернет дунясида компартийә вә һөкүмәтниң хизмәтлирини нуқтилиқ гәвдиләндүрүш, сиясий қурулушни баш вәзипә қилиш, тор дунясида тәшәббускарлиқни қолдин берип қоймаслиқ, тор дунясидики "қанунсиз" қилмишларни "бөшүкидила уҗуқтуруш" дегәнләр муһим нуқта сүпитидә тәкитләнгән.

Мәлум болушичә, уйғурлар дияридики тор контроллуқи 2009-йилидин буян зор дәриҗидә чиңип келиватқан болуп, һазирқи әһвалда һечким тор дунясида "қалаймиқан" язма йоллашқа җүрәт қилалмайдиған вәзийәт шәкилләнгән.

Шундақ әһвалдиму бу һәқтики контроллуқниң техиму күчийидиғанлиқи һәққидә берилгән бу бишарәткә асасән бәзи анализчилар "бундин кейин тилға алғучилики йоқ тор язмилири үчүнму еғир җаза берилидиған вәзийәт шәкиллиниши мумкин" дейишмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт