Хитай даирилири уйғур райониниң омумий ишләпчиқириши 9.3 Пирсәнт ешип меңиватқанлиқини билдүргән

Мухбиримиз әркин
2017-10-11
Share

Уйғур аптоном райони даирилири мәзкур районниң омумий ишләпчиқириш омуми қиммитиниң йеқинқи 5 йилдин бери изчил 9.3 Пирсәнт ешип меңиватқанлиқини билдүргән. Хитай “йәр шари вақти гезити” ниң хәвәр қилишичә, бәзи мутәхәссисләр уйғур районида иқтисади тәрәққият билән муқимлиқ оттурисидики тәңпуңлуқни сақлашниң һалқилиқ амил икәнликини билдүргән.

Уйғур аптоном районлуқ тәрәққият вә ислаһат комитети йеқинда елан қилған баянатида, уйғур райониниң омумий ишләпчиқириш соммиси 2012‏-йили 750 милярд 500 милйон йүән болған болса, униң 2016‏-йили 961 милярд 7 милйон йүәнгә йетип, йилиға 9.3 Пирсәнт ешип маңғанлиқини билдүргән. Хитай ахбаратиниң билдүрүшичә, бу хитайниң мәмликәтлик оттуричә йиллиқ иқтисади өсүш сәвийәсидин 2.2 Пирсәнт ешип кәткән.

Бирақ, хәлқарадики бәзи иқтисадшунасларниң илгири сүрүшичә, уйғур райони иқтисадиниң өсүши нормал мәбләғ вә ишләпчиқириш йоли билән болмиған. Иқтисадшунаслар, иқтисадниң уда 5 йил 9.3 Пирсәнт ешип меңишида хитай мәркизи һөкүмитиниң бу районға селиватқан сиясий мәблиғи вә муқимлиқ селинмиси һалқилиқ рол ойнаватқанлиқини билдүрди. Хитай һөкүмити йеқинқи йиллардин бери уйғур райониниң аманлиқ қурулуши, қош тиллиқ маарип, тор бихәтәрлик, йеңи олтурақ районлар қурулуши вә башқа һул қурулушлириға зор миқдарда мәбләғ селип кәлгән.

“йәр шари вақти гезити” ниң хәвиридә, хитай даирилириниң йеқинқи 5 йилда уйғур райониға 59 милярд 800 милйон йүән мәбләғ селип, 5587 хил қурулуш түрини әмәлийләштүргәнликини билдүргән. Лекин, уйғур кишилик һоқуқ тәшкилатлириниң билдүрүшичә, бу қурулуш түрлири нишанлиқ хитай көчмәнлиригә мәнпәәт йәткүзүп, уйғурлар мәнпәәтдар болалмиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт