Uyghur élidiki xitay shirketlirining Uyghur we qazaqlarni ishqa élishni ret qiliwatqanliqi ashkarlandi

Muxbirimiz erkin
2021-07-16
Share

Yüz minglighan Uyghur "Namratliqtin qutquzush" namida xitay karxanilirida mejburi emgekke sélinish bilen bir waqitta, mejburi emgek sistémisining sirtidiki shirket-karxanilarning Uyghur we qazaqlarni ishqa élishni ret qilidighanliqi ‍ashkarlandi.

15-Iyul Uyghurlarning xitay ‍ijtima'iy taratqulirida ashkarlishiche, Uyghur élidiki bu xil karxana, hetta méhmanxanilarmu Uyghur we qazaqlarni ishqa almaydiken.

Melum bolushiche, yéqinda aliy mektepni püttürgen bir Uyghur qiz oqughuchi xitaydiki kichik kölemlik amanet qerz mulazimiti bilen shughullunidighan pul-mu'amile shirkiti- "Ping'en héwlét-pekkart shérkiti" ning ürümchi "Nurluq yoli" diki tarmaq shirkitige ishqa iltimas qilghan.

Biraq bu shirketning kadirlar bölümi bu qizgha ‍özlirining Uyghur we qazaqlarni ishqa ‍almaydighanliqini éniq éytqan. Bu shirketning mezkur qiz oqughuchigha éytishiche, ular xitay yaki tunggan bolsa qobul qilidiken. Mezkur shirketning tor bétidiki élanidimu xitay, tunggan yaki mongghollarni qobul qilidighanliqi éniq éytilghan.

Bu shirketning sun famililik bir xadimi radiyomizning muxbirigha "Uyghur we qazaqlargha éihtiyaji yoqliqi" ni éytqan. Bu uchur amérikadiki "Klob xaws" namliq ‍ijtima'iy taratqu munbiride munazire qozghighan. Amérikadiki xitay adwokat téng byawning éytishiche, bu weqe noqul bir shirketning herkiti emes, belki pütün bir döletning herkiti bolup, xitay Uyghurlargha "Irqiy qirghinchiliq" qilish bilen eyibliniwatqan ehwalda, bu xil milliy kemsitish siyasiti "Irqiy qirghinchiliq" ning delili bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet