Darrén baylérning "Lagérlarda-xitayning yuqiri téxnikiliq jaza koloniyesi" namliq kitabi neshrdin chiqqan

Muxbirimiz irade
2021-10-13
Share

Amérikaliq Uyghurshunash, saymén fréyzér uniwérsitétining yardemchi proféssori darrén baylérning Uyghur élida yolgha qoyuluwatqan lagér sistémisi heqqide yazghan "Lagérlarda-xitayning yuqiri téxnikiliq jaza koloniyesi" namliq kitabi 12-öktebir künidin étibaren sétilishqa bashlighan.

Mezkur kitabta xitay hökümitining bir milyondin artuq ademni tutup turush üchün qandaq qilip insaniyet tarixida téxi körülüp baqmighan bir nazaret we kontrol sistémisi barliqqa keltürgenliki heqqide oqurmenlerge tepsiliy chüshenche bérilgen.

Kitab kolombiye uniwérsitéti teripidin neshr qilin'ghan bolup, kitabqa töwendikidek chüshendürüsh bérilgen: "Uyghur jem'iyiti we xitayning nazaret sistémisi heqqidiki dunyadiki aldinqi qatardiki mutexessislerning biri bolghan darrén baylér bu rayon üstide on yil tetqiqat élip bérip, nechche minglighan hökümet höjjitini tekshürgen, nurghun mehbuslar we lagér xizmetchiliri bilen köp qétim söhbetleshken. . . Ularning derijidin tashqiri sergüzeshtliri baylérning si'atildin béyjingghiche bolghan jaylarda yasalghan téxnika mehsulatlirining dunyadiki ajiz kishiler üchün qandaq qilip mehbusluqning yéngiche sheklini shekillendürüwatqanliqini tekshürüshige türtke boldi".

Darrén baylér yuqiridiki bu "Xitayning yuqiri téxnikiliq jaza koloniyesi" namliq kitabi heqqide "Diplomat" zhurnilining mexsus ziyaritini qobul qilghanda Uyghur élida yolgha qoyuluwatqan jaza lagérliri we nazaret sistémisi heqqide "Shinjangdiki keng kölemlik nazaret qilish we lagérlargha solash herikitini xitayning öz kontrolluqining girwikide qalghan boshluqlargha qarita ep barghan mukemmel yosunda tajawuz qilish, ishghal qilish we uni özgertish siniqi dep qarash kérek" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet