Хитай уйғур елида «мәҗбурий әмгәкниң йоқлиқи» ни илгири сүрди

Мухбиримиз ирадә
2020-01-02
Елхәт
Пикир
Share
Принт

2-январ күни хитайниң һөкүмәт авази болған «йәршари вақти гезити» уйғур елида «мәҗбурий әмгәкнииң йоқлиқи» ни илгири сүрди. «Шинҗаңдики мусулман аз санлиқлар мәҗбурий әмгәккә селинмайду» мавзусида елан қилинған бу мақалидә «ню-йорк вақтит гезити» ниң бу һәқтики хәвириниң «ялғанлиқи» илгири сүрүлгән.

«Ню-йорк вақит гезити» 30 декабир күни уйғур елидики мәлум бир «мәҗбурий әмгәк» лагери ичидин йошурун тартилған син көрүнүшлирини ашкарилап, хитай һөкүмитиниң районда пиланлиқ вә программилиқ һалда уйғур вә қазақ қатарлиқ йәрлик милләтләрни «мәҗбурий әмгәк» кә селиватқанлиқини хәвәр қилған иди. Улар хәвиридә даириләрниң алди билән бу кишиләрни һәрбий интизам вә сиясий идийә бойичә тәрбийәләштин өткүзүп, андин уларни зор көләмлик завутларда мәҗбурий әмгәккә салидиғанлиқини, бу ишчиларниң хизмәтни рәт қилиш һоқуқи йоқлиқини билдүргән иди. 

Хәвәрдә баян қилинишичә, «ню-йорк вақит гезити» еришкән бу мәхпи көрүнүшләрдики завутларниң түрмидин һечқандақ пәрқи йоқ болуп, қатму-қат тосақлар вә егиз тамлар билән торалған бу завут ичидикиләрниң өз алдиға һәрикәт қилиш имкани йоқ икән. «Ню-йорк вақит гезити» ниң хәвиридә хитай һөкүмити уйғурларға қарита «өзгәртип ясаш қурулуши» елип берип, икки милйон әтрапида уйғур қатарлиқ йәрлик милләтләрни лагерларға қамиған болса, йәнә бир қсимлирини кийим-кечәк пишшиқлап ишләш, аяқ тикиш заутлирида вә коча сүпүрүш хизмәтлиригә мәҗбурий қатнаштуруш арқилиқ қамал қиливатқанлиқини билдүргән. 

Хитайниң «йәршари вақит гезити» б юқириқи хәвәрниң ялғанлиқини илгири сүргән вә «‹ню-йорк вақит гезити' пакитларни бурмилиди,» дәп әйиблигән. Улар нурғун чоң карханиларниң һазир һөкүмәтниң тәшәббуси билән уйғур елигә орунлишиш арқилиқ әмәлийәттә уйғур қатарлиқ йәрлик милләтләрниң «ишқа орунлишиш вә бай болуши» ға йол ечип бериватқанлиқини илгири сүргән. Әмма мәхпий тартилған видейодики бир ишчи өзиниң илгирики кириминиң буниңдин нәччә һәссә юқирилиқини ейтқан. 

Нөвәттә уйғур елидики мәҗбурий әмгәк мәсилиси хәлқарада диққәт қозғаватқан йәнә бир муһим темиларниң биригә айланди.

Пикирләр (0)
Share
Толуқ бәт