Xitay da'iriliri chitey nahiyeside bir meschitni péchetligen

Muxbirimiz erkin
2017-06-29
Share

Xitay da'iriliri yéqinda Uyghur ilining chitey nahiyeside bir meschitni péchetlep, mezkur meschitning qazaq xatipi we uning 2 perzentini tutqun qilghan.

Chet'eldiki qazaq pa'aliyetchilirining radi'omizgha bildürüshiche, da'iriler mezkur meschitni "Qurulush qa'idisige xilap sélin'ghan" dep, péchetlep, bu meschitni saldurghan we uninggha xatipliq qiliwatqan toqtarqan tölewqanni bu yil 15‏-may küni "Esebiylikni tügitish merkizi" ge yollap bergen.

Chet'eldiki qazaq pa'aliyetchiler yene, da'irilerning toqtarqanning bir oghli we uning qazaqistanda oquydighan qizini qayturup kélip, "Esebiylikni tügitish merkizi" ge terbiyileshke yollighanliqini bildürgen.

Qazaq pa'aliyetchilirining ashkarilishiche, toqtarqan "Shinjang ishlepchiqirish-qurulush bingtu'eni" 6‏-déwiziyesining 110‏-polki 2‏-milliy rotisining ahalisi bolup, u, bu meschitni bingtu'en da'irilirining testiqi we musulmanlarning yardimide saldurghan iken.

6‏-Déwiziyening 110‏-polki chitey nahiyesige jaylashqan bolup, u, chitey yéza igilik meydani we kariz yézisi bilen chégrilinidu. Mezkur polkning 5000 ahalisi bar bolup, uning 300 nepirini qazaqlar teshkil qilghan.

Chet'eldiki qazaq pa'aliyetchilirining bildürüshiche, toqtarqan tölewqan teqwadar musulman bolup, u, 2-rotidiki musulmanlarning jinaza namizi, nikah oqush qatarliq adettiki diniy éhtiyajliridin chiqip kelgen bolsimu, biraq bu adettiki diniy qa'idiler da'irilerni bi'aram qilip kelgen.

Uyghur aptonom rayoni bu yil 1‏-aprél "Esebiylikni tügitish qanuni" ni yolgha qoyup, nurghun diniy qa'ide, diniy simwollarni "Esebiylik" ning ipadisi, dep élan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet