Uyghur rayon da'iriliri “Shinjanggha alaqidar mexpiyetlikni saqlash xizmitini” kücheytishni tekitligen

Washin'gtondin muxbirimiz irade teyyarlidi
2024.04.04

Uyghur rayonluq partiye komitéti da'imiy komitéti 4-aprél küni yighin chaqirip, Uyghur élige alaqidar mesililerde mexpiyetlikni saqlashni tekitligen.

Xitayning tengritagh torida bérilgen xewerde déyilishiche, yighinda xitay re'isi shi jinping we partiye merkiziy komitétining mexpiyetlikni saqlash xizmitige alaqidar orunlashturma telepliri yetküzülgen we aptonom rayonning mexpiyetlikni saqlash xizmitige alaqidar höjjetliri muhakime qilin'ghan.

Uyghur rayonluq partkomning sékrétari mashingruy yighinda munularni tekitligen:

“Omumiy dölet xewpsizliki qarishini qet'iy izchillashturup, shinjanggha alaqidar mexpiyetlikni saqlash xizmitining muhim ehmiyitini chongqur tonup, mexpiyetlikni qanun boyiche idare qilishni kücheytish kérek, mexpiyetlikni saqlash xizmiti mes'uliyet tüzümidin ibaret bu halqiliq nuqtini ching tutup, herqaysi orunlarning qanun-belgilime boyiche ademni yaxshi bashqurushi, mexpiyetlikni yaxshi bashqurushi, torni yaxshi bashqurushigha heydekchilik qilish kérek. Zamaniwi pen-téxnika wasitisidin paydilinip mexpiyetlikni saqlash xizmitining ünümini östürüshke ehmiyet bérish kérek”

Xitay hökümiti yéqindin buyan Uyghurlargha qaritiwatqan irqiy qirghinchiliqi we insaniyetke qarshi jinayetlirini ret qilidighan teshwiqatlirini kücheytish bilen birge, rayonning ishiki keng ochuq, dégen teshwiqatini kücheytiwatqanidi. Uning bundaq mezgilde mexpiyetlikni saqlashni tekitlishi diqqet qozghidi.

Uyghur rayon da'iriliri 2022-yili xelq'araning bésimi bilen b d t kishilik hoquq aliy komissari mishel bachélit Uyghur élini ziyaret qilmaqchi bolghandinmu mexpiyetlikni saqlash heqqide ahalilerni tenbihligenliki ashkarilan'ghanidi. Eyni chaghda radiyomiz da'irilerning asasiy qatlamda “Dölet mexpiyetlikini saqlashtiki 10 ni qilmasliq” namida bir uqturush tarqatqanliqini igiligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.