Әркин тунияз: "шинҗаңда миң йиллиқ мутләқ намратлиқ мәсилиси һәл қилинди, мана бу кишилик һоқуқ абидиси"

Мухбиримиз ирадә
2021-06-03
Share

Хитайниң шинхуа тор тарқатқан бир хәвәрдин қариғанда, 6-айниң 2-хитайниң җәнвәдики вәкилләр өмики вә уйғур район даирилири бирликтә "намратлиқтин қутулдуруш вә йезиларни гүлләндүрүш хәлқара алмаштуруш йиғини" мавзулуқ син йиғини өткүзүп, районда намратлиқ түгитилгәнликини илгири сүргән.

Униңда шинҗаң уйғур аптоном районлуқ һөкүмитиниң муавин рәиси әркен тунияз сөз қилип: "2020-йилиниң ахириға қәдәр, шинҗаңдики 3.0649 Милйон йеза намрат аһалиси һазирқи өлчәм бойичә намратлиқтин қутулди, 3666 намрат йеза азайди, 35 наһийә намратлиқ қалпиқини еливәтти, миң йиллиқ мутләқ намратлиқ мәсилиси тарихта һәл қилинди. Мана бу кишилик һоқуқниң абидиси" дәп сөз қилған.

Йиғинда йәнә бир қанчә "хәлқ вәкиллири" сөз қилип "кишиләр һазир кәң вә йоруқ биналарда туриду, туруба сүйи ишлитиду, симлиқ телевизор көриду, ян телефон ишлитиду вә тамақ етиш үчүн тәбиий газ ишлитиду. Бу йәрдә йәсли, мәктәп, сағламлиқ мәркизи, кутупхана, мәдәнийәт паалийәт өйи, мәдәнийәт мәйдани қатарлиқлар бар. Илгири бу хил һаятни илгири тәсәввур қилиш тәс иди" дегән.

Хитай һөкүмити йеқиндин буян мушу хилдики тәшвиқат йиғинлирини көпләп уюштуруш арқилиқ хитай һөкүмитиниң уйғур илида йүргүзүватқан бастуруш сиясәтлирини инкар қилип кәлди. Һалбуки софи ричардсон қатарлиқ кишилик һоқуқ мутәхәссислири илгири көп қетим бундақ төвән дәриҗилик чакина тәшвиқат һәрикәтлириниң һечкимни қайил қилалмайдиғанлиқини, хитайниң тәшвиқатлириниң уларниң ирқий қирғинчилиқ қилғанлиқидәк пакитни йошуруш әмәс, әксичә уларни күлкигә қойидиғанлиқини билдүргәниди.

Мәлум болушичә, җәнвәдә турушлуқ хитай һәйити билән уйғур район даирилири бирлишип ачқан бу йиғинда беларусийә, иран, русийә, венезуела, пакистан, лаос, шималий корейә қатарлиқ кишилик һоқуқ хатириси начар дөләтләрниң вәкиллири арқа-арқидин нутуқ сөзлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт