Uyghur élidiki pasport yighiwélish uqturushi xelq'ara metbu'atlardimu xewer qilinmaqta

Muxbirimiz irade
2016-11-24
Share

Yéqinda Uyghur élida chiqirilghan pasport yighiwélish heqqidiki uqturush xelq'ara metbu'atlardimu xewer qilinmaqta.

Bügün firansiye agéntliqining bu heqtiki xewiride éytilishiche, Uyghur élidiki herqaysi saqchi idariliri teripidin chiqirilghan pasport yighish uqturushi xitaydiki bir qisim munazire tor betliride inkas qozghighan.

Tordashlar buninggha töwendikidek inkaslarni yazghan: "Men pasportni her qétim bayramda chetke chiqqinimda ularning yolyoruqini élip, ularning bixeterlik tedbirlirining nishani bolush üchün pul we waqit serp qilip almighan. Eger puqralar özining eng asasiy hoquqlirinimu qollinalmisa, biz qandaq yashaymiz?"

Yene bir inkasta "Shinjang hazir barghanséri ghelite bolup qéliwatidu. Zaman aldigha mangghanséri shinjangda keynige kétip baridu" déyilgen.

B b s xewerler torining xewiride éytilishiche, xitayning yer shari waqti géziti peyshenbe küni "Shinjangliqlar hemmisi pasportlirini saqchixanilargha tekshürüsh we bashqurush üchün tapshurup bérishi kérek, pasporti lazim bolghanda saqchixanigha iltimas sunsa bolidu" dep bir xewer tarqatqan. Ular yene Uyghur élidiki bir rehberning sözini neqil qilip turup, pasport yighiwélishning Uyghur élidiki muqimliqni qoghdash we térrorluqqa zerbe bérish üchünlükini bildürgen. Biraq, bu uqturush kishilik hoquq teshkilatlirining tenqidige uchrighan.

Firansiye agéntliqi xewiride, Uyghur élida bundaq pasport yighiwélish heriketliri ilgirimu élip bérilghanliqini, Uyghurlarning xitay hökümitining siyasetliridin narazi ikenlikini bayan qilip, Uyghur élida yüz bergen bir qisim naraziliq heriketlirini xitay hökümiti bir qisim térrorluq teshkilatlirigha chatsimu, emma nurghun musteqil tetqiqatchilarning buninggha qétilmaydighanliqini we xitay hökümitining özining Uyghur élida yürgüzüwatqan qattiq qolluq siyasetlirini aqlash üchün bu xil teshkilatlarning küchini köptürüwétidu, dep qaraydighanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet