Kishilik hoquq teshkilatliri xitayning ramizan éyidiki diniy cheklimilirini tenqid qildi

Muxbirimiz erkin
2017-06-21
Share

Dunyadiki tesiri zor ikki kishilik hoquq orgini- xelq'ara kechürüm teshkilati bilen kishilik hoquq közitish teshkilati charshenbe küni xitayning Uyghur rayonida yürgüzgen ramizan éyidiki diniy cheklimilirini tenqid qildi.

Xelq'ara kishilik hoquq közitish teshkilatining xitay ishlar diréktori doktor richardson, xitayning Uyghur turmushining herbir halqisigha, ularning qandaq ibadet qilishi, qachan tamaq yéyishi, balilirigha qandaq isim qoyushigha qeder arilishiwatqanliqini tenqidlep, "Bu xil istratégiye Uyghurlarni téximu yatlashturidu. Béyjing buni özgertmigüchilik, uning yer sharida yétekchi dölet bolush yaki qanun bilen bashqurulidighan bir dölet bolush pikri quruq gep bolup qalidu" dégen.

Xelq'ara kechürüm teshkilatining xitay mesililer tetqiqatchisi wilyam néy, xitayning Uyghur rayonida éip bériwatqan esebiylikke qarshi turush herikitini tenqid qilghan. U, xitayning binormal saqal, hijap, balilargha islami isimlarni qoyush, hökümetning téléwizor we radiyosini anglashni ret qilish, döletning siyasitini qobul qilmasliqqa qutratquluq qilish dégen términlarni qollinip, "Esebiylikke heyran qalarliq derijide müjmel tedbir bergenliki"ni otturigha qoyghan.

Sofiye richardson we wewélyam néy bu sözlerni "Asiya katolik xewerler tori" gha qilghan. Xongkong "Asiya katolik xewerler tori" ning charshenbe küni tarqatqan xewiride, xitayning ramizan éyida Uyghurlargha qoyghan diniy cheklimisi tenqid qilin'ghan idi. "Béyjing shinjangda ramizanda medeniyet urushini kücheytti" serlewhilik xewerde, xitayning Uyghurlarni kündüzi tamaq yéyishke mejburlawatqanliqi, qur'ani kerimini musadire qilip, réstoranlarni kündüzi échishqa zorlap, puqralarning meschitke bérishigha cheklime qoyuwatqanliqi eyiblen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet