Kürediki ili géniral mehkimisi bilen kériyediki qurban tulum sariyi “Milletler ittipaqliqi terbiye bazisi” qilip békitilgen

Muxbirimiz shöhret hoshur
2019.11.29

“Shinjang géziti” ning29 ‏-noyabirdiki sanida xewer qilinishiche, qorghas nahiyesining küre yézisigha jaylashqan tarixiy orunlardin ili géniral mehkimisi bilen kériye nahiyesidiki qurban tulum xatire sariyi Uyghur rayonidiki “Milletler ittipaqliqini ilgiri sürüsh terbiye bazisi” qatarigha kirgüzülgen.

Xewerde ili géniral mehkimisining bir yérim esirlik tarixqa ige ikenliki, uning Uyghur rayoni bilen xitay döliti arisidiki tarixiy munasiwetni eks ettüridighanliqi, yeni rayondiki her millet xelqining tajawuzchiliqqa we milliy bölgünchilikke ortaq qarshi turup kelgenlikining namayendisi ikenliki ilgiri sürülgen. Emma musteqil tarixchilar ilidiki géniral mehkimisini xitay mustemlikichilikining Uyghur élidiki mustemlikichilik simwoli dep qarap kelmekte. 

Xewerde eskertilishiche, kériyediki qurban tulum xatire sariyida maw zédongning qurban tulum bilen chüshken süriti bilen birlikte shi jinpingning qurban tulumning newrilirige yazghan xéti körgezmige qoyulghan. Qurban tulum yillardin buyan Uyghur jem'iyitide milliy angsizliqning we exmeqliqning simwoli süpitide mesxirige uchrap kéliwatqan bir obrazdur. Muhajirettiki Uyghur közetküchiler xitay terepning ili géniral mehkimisini teshwiqat merkizige aylandurush arqiliq xitay puqralirida milletchilikni oyghitishni közligen bolsa, qurban tulumni kötürüp chiqish arqiliq Uyghurlar arisida qulchiliq idiyesini kéngeytishni közligenlikini ilgiri sürmekte. 

Mezkur xewerde déyilishiche, yoqirida tilgha élin'ghan ikki orunni qoshqanda Uyghur rayonidiki “Milletler ittipaqliqi terbiye bazisi” ning sani nöwette 14 ke köpeygen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.