Uyghurlar diyarida "Derya-köllerni retke sélish herikiti" bashlandi

Muxbirimiz eziz
2019-08-27
Share

Shinxu'a agéntliqining 27-awghusttiki xewiride éytilishiche, Uyghurlar diyarida bu yildin bashlap üch yilliq muddettiki "Derya-köllerni retke sélish herikiti" bashlinidiken. Xewerde bu heriketning asasiy meqsiti derya-köllerning ékologiyelik muhitini yaxshilash ikenliki éytilidu.

Xewerde buningdin kéyinki üch yilda derya-köller boyida qalaymiqan qurulush qilish, qalaymiqan yer qézish, derya-köllerge bulghan'ghan sularni mangdurush dégendek qilmishlarning cheklinidighanliqi alahide tekitlinidu.

Muhajirettiki Uyghur pa'aliyetchilerdin amérika Uyghur birleshmisining re'isi élshat hesen Uyghur diyaridiki su mesilisi, bingtu'endiki munasiwetlik ehwallar we bingtu'enning uzun yillardin buyan su menbelirini kontrol qilip kéliwatqanliqi heqqide pikir qilip: "Uyghurlar ming yillar tarim wadisining ékologiyelik muhitini tebi'iy halette saqlap qélish üchün tiriship kelgen bolsa, bingtu'endiki xitay köchmenlirining köpiyishi bilen ularning ayighi tegkenla jayda köpligen derya-éqinlar we su menbeliri qurup ketken" dédi.

Yene bezi analizchilar xitay hökümitining "Derya-köllerni retke sélish herikiti" ni "Xitaylarning Uyghurlar diyaridiki barliq su menbesige bolghan mutleq kontrolluqni ishqa ashurush urunushi, shuningdek ularning kelgüside téximu zor sanda xitay köchmenlirini yötkesh xizmitige teyyarliq qilish herikiti bolushi mumkin" dep qaraydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet