Qomulda 3 neper yerlik kadir belgilimige xilapliq qilish bilen eyiblinip jazalan'ghan

Muxbirimiz erkin
2021-04-23
Share

Uyghur élining qumul shehride bir xitayni öz ichige alghan ikki Uyghur we bir qazaq kadiri xitay kompartiyesining "8 Xil belgilimisi" ge xilapliq qilish bilen eyiblinip jazalan'ghan. "Shinjang xewerliri" torining ashkarlishiche, qomul sheherlik intizam tekshürüsh we riwiziye komitéti yéqinda yuqiriqi ikki Uyghur we bir qazaq kadirini öz ichige alghan 4 déloni "Merkizi komitétning 8 xil belgilimisige xilap tipik mesile" dep élan qilghan.

Bu kadirlar chet eldiki közetkuchiler chén chüen'go Uyghur élining 1-qol hökümdarliq ornigha olturghan 2016-yildin béri hakimiyet ichidiki Uyghur kadirlirini her xil namlar bilen tazilawatqanliqini ilgiri süriwatqan mezgilde jazlan'ghan. Közetküchilerning qarishiche, chén chüen'goning Uyghur kadirlirini tazilishi her xil namlarda élip bérilsimu, emeliyette bu xitayning Uyghurlargha yürgüzgen "Irqiy qirghinchiliq" herkitining bir parchisi iken.

Qomul sheherlik intimzam tekshürüsh we riwiziye komitétining uqturushida iwirghol rayonliq adem küchi we ijtima'iy parawanliq idarisining sabiq xadimi enwer xoja, iwirghol rayonliq ishchilar uyushmisi partiye guruppisining sabiq sékritari mahire mahmut, bariköl nahiyesinng yéza kadiri jarqinbek molimxanlarning "Belgilimige xilapliq qilghanliqi" tekitlen'gen. Melum bolushiche, bu kishiler qol astidikilerge orunsiz mukapat tarqitip, belgilimige xilapliq qilish bilen eyiblen'gen. Ularning hemmisige partiye ichide agahlandurush jazasi bérilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet