Uyghur rayonidiki yuqumdarlar sanining dawamliq köpiyiwatqanliqi melum

Muxbirimiz jewlan
2022.05.04
Share on WhatsApp
Share on WhatsApp

Xitayning “Shinxu'a tori” Uyghur aptonom rayonluq sehiye-saghlamliq komitétining eng yéngi yuqum ehwali toghruluq bergen melumatini élan qilghan bolup, 5-ayning 3-küni 24 sa'et ichide Uyghur rayoni teweside késellik alamiti bar 1 yuqumdar, késellik alamiti yoq 10 yuqumdar köpeygen.

Yéngidin köpeygen késellik alamiti yoq yuqumdarlar asasen ürümchi michüen rayonida ilgiri bayqalghan yuqumdarlar bilen uchrashqanlar bolup, hazir ular karantin'gha élinip közitilmekte iken. Uningdin bashqa, bu rayonda bayqalghan késellik alamiti körülgen 2 yuqumdar dawalinip doxturxanidin chiqqan, késellik alamiti körülmigen 29 yuqumdar karantin'gha élinip közitilishtin qutulghan.

5-Ayning 3-künigiche késellik alamiti barliqi éniqlan'ghan 7 yuqumdarning hemmisi ürümchi michüen rayonidin iken؛ késellik alamiti yoq 146 yuqumdar ichide 144 adem michüen rayonidin, 2 yuqumda tengritagh rayonidin iken.

Xitayda chiqiwatqan xewerlerge qarighanda, yuqum sewebidin shangxey shehrini qamal qilish qismen boshighan bolsimu, béyjing we xénenning jéngju shehiride métro béketliri, ötüshme yollar we bezi sheher rayonlirini qamal qilish bashlan'ghan. Uyghur rayonidimu ürümchi bilen sanji we bashqa sheherlerde yollarni qamal qilish we qattiq tekshürüshning dawamlishiwatqanliqi melum. Uningdin bashqa, roza héyt künliri ürümchidiki Uyghur ahaliliri köp olturaqlashqan rayon-mehellilerde erkin kirip-chiqishning cheklen'genliki, Uyghurlarning öydin chiqmay héyt ötküzüwatqanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.